PokerNews-ისთვის მიცემულ ინტერვიუში, დენიელ ნეგრანუმ კორონავირუსით გამოწვეულ მდგომარეობაზე ისაუბრა და თქვა, რომ ის და მისი მეუღლე კარანტინში იმყოფებიან: "საკარანტინო ცხოვრება, სიმართლე რომ გითხრათ, არც ისე ცუდი აღმოჩნდა. მე და ამანდა ისედაც სახლის ადამიანები ვართ. ერთადერთი რამ, რისი დათმობაც მართლა მიჭირს, ჰოკეის თამაშებია."

იმ დროს, როცა ყველა დიდი კაზინო დაკეტილია და ტურნირები - გადადებული, ან ონლაინ რეჟიმში გადატანილი, საზაფხულო WSOP-ის გახსნის თარიღად კვლავ 25 მაისია გამოცხადებული. ამჟამინდელი მონაცემებით, მსოფლიოს უდიდესი აზარტული სერია 25 მაისიდან 16 ივლისამდე კაზინო Rio-ში უნდა გაიმართოს. 

WSOP-ის საზოგადოებასთან ურთიერთობის დეპარტამენტის უფროსის, სეთ პალანსკის განმარტებით, ტურნირის ბედი მაისის ბოლომდე ვერ გადაწყდება, რაც მის გრაფიკს, ჯერჯერობით, უცვლელს ტოვებს: "ჩვენ არ გსურს დაჩქარებული გადაწყვეტილების მიღება. მდგომარეობა ყოველდღიურად იცვლება. ჩვენც სიტუაციის შესაბამისად ვიმოქმედებთ."

სხვა მოთამაშეების მსგავსად, დენიელ ნეგრანუც ვარაუდობს, რომ 2020 წლის WSOP არ გაიმართება: "არ მგონია, რომ წლევანდელი WSOP დაგეგმილ დროში ჩატარდება. შეიძლება, სერია შემოდგომაზე გაიმართოს. სიმართლეს თვალი უნდა გავუსწოროთ და ვთქვათ, რომ ამ მასშტაბის ტურნირზე ვირუსის გავრცელების შეკავება წარმოუდგენელია."