დენის ბლაიდენს ყოფილი დამსაქმებლისგან $22 მილიონი დოლარის მითვისება ედება ბრალად. 30 წლის მოთამაშეს, პროკურატურის მოთხოვნის საფუძველზე, ფედერალურ ციხეში 22 წლის გატარება მოუწევს. მისი საქმის შემდეგი მოსმენა 20 მარტსაა ჩანიშნული. 

ბლაიდენი StyleHaul-ში - ჰოლივუდში არსებულ ციფრული ტექნოლოგიების კომპანიაში მუშაობდა, ფინანსური და საბუღალტრო განყოფილების ხელმძღვანელის პოზიციაზე. მას სრულად ჰქონდა წვდომა კომპანიის საბანანკო მონაცემებზე, რასაც არაკეთილსინდისიერად იყენებდა და თანხას საკუთარ ანგარიშებზე რიცხავდა. მიღებულ თანხას კი კრიპტოვალუტაში აბანდებდა. 

გამოძიების ინფორმაციით, ბლაიდენის ქმედება 2015 წლის ოქტომბრიდან, 2019 წლის მარტამდე გრძელდებოდა. მითვისებული თანხა არამხოლოდ კრიტოვალუტის შესაძენად, არამედ აზარტული თამაშებისთვისაც გამოიყენებოდა. მას კომპანიის საბუღალტრო ჩანაწერებში არასწორი მონაცემები შეჰყავდა, რათა თაღლითური სქემის კვალი დაეფარა და დაკარგული თანხა კომპანიის ხარჯებში გაეტარებინა. 

მიმდინარე წლის თებერვალში, ბლაიდენი 2 ტურნირზე დარეგისტრირდა, რისთვისაც მან კომპანიის ანგარიშით $52.000 და $103.000 დოლარი გადაიხადა. 24 თებერვალს, მან WPT L.A.-ის $10.000 დოლარიან ტურნირზეც ითამაშა, სადაც ფინალურ ჰედს-აპში ტობი ლუისი დაამარცხა და $1 მილიონიან პირველ ადგილს დაეპატრონა. ის დაჭერის მომენტამდე აგრძელებდა პოკერის აქტიურ თამაშს. მიმდინარე წლის PartyPoker LIVE-ზე მან მე-17 ადგილი დაიკავა, $35.000 დოლარიანი ანაზღაურებით.