რა თქმა უნდა, პირველი, ვინც სნუკერის ხსენებაზე თავში მოგივა, რონი ო'სალივანია, მაგრამ მსოფლიო ჩემპიონის 7 ტიტულით, სტივენ ჰენდრის სახელი, სნუკერის სამყაროში, ჩრდილში არასდროს აღმოჩენილა. ის მსოფლიოს საუკეთესო სნუკერისტად ითვლება. მის ანგარიშზე 36 მოგებული ტურნირია - რეკორდი, რომლის გაუმჯობესებაც ვერავინ შეძლო. 

როგორც ჩანს, პოკერის აღმოსაჩენად, მას კიდევ ერთი ლეგენდა, სტივ დევისი დაეხმარა: "როცა სასტუმროში ვხვდები, ის ყოველთვის თავის ლეპტოპშია ჩაფლული. სწორედ მან მითხრა, რომ ონლაინ უფასოდ თამაშიც შემეძლო. მეც ავდექი და ვცადე."

თავისი პროფესია, პოკერში მნიშვნელოვნად გამოადგა, რადგან რამდენიმე თვისების ტრანსპორტირება მეტად მნიშვნელოვანი გამოდგა: მუდმივად მოლოდინის რეჟიმში ყოფნა, როდის დაუშვებს შეცდომას მოწინააღმდეგე; საკუთარი პოზიციის მაქსიმალურად გამოყენება - ეს მცირე მაგალითებია იმისა, თუ რა აკავშირებს სნუკერის მოთამაშეს პოკერთან.

დროთა განმავლობაში, ონლაინ პოკერმა რეალურ ცხოვრებაშიც ჰპოვა სიყვარული. სნუკერის მოთამაშეები სასტუმროს ოთახში შეიკრიბებოდნენ, მაგიდაზე ორ სანთელს აანთებდნენ და მარათონული სესიაც იწყებოდა: "ხშირად გათენებამდე ვთამაშობდით. ძალიან კარგ დროს ვატარებდით, მაგრამ ასეთი გართობა ტურნირის წინა დღით საუკეთესო გადაწყვეტილება ნამდვილად არაა."

მოგვიანებით ჰენდრის აზარტული ინდუსტრიის ერთ-ერთმა გიგანტმა, Betfred-მა მიაკითხა და WSOP-ის მეინ ივენთის საგზური შესთავაზა. "სათამაშოდ საღამოს 8 საათზე დავჯექი. თამაში დილას მორჩა. დროის შეგრძნება საერთოდ დავკარგე." სამწუხაროდ, ჰენდრის AA მოწინააღმდეგის 22-თან დამარცხდა, რომელმაც სეტი მიიღო. გამოცდილმა სნუკერისტმა პოკერის მაგიდებთან გამოუცდელობის გამო, თავისი აზარტული კარიერის უდიდესი ტურნირი წააგო. 

პოკერისგან განსხვავებით, სნუკერში სტივენ ჰენდრის თანდაყოლილი ნიჭი აღმოაჩნდა. 1982 წელს, როცა 13 წლის გახდა, მას პატარა სნუკერის მაგიდა აჩუქეს. "თამაშებს ყოველთვის ტელევიზიით ვუყურებდი. თავად სნუკერთან არანაირი შეხება არ მქონია. 3 კვირის შემდეგ, 50-იან ბრეიქზე ავდიოდი. როცა პროფესიონალური კარიერა დავიწყე, იმდენად თავდაჯერებული ვიყავი, რომ წაგებული ფრეიმის შემდეგაც მეგონა, რომ მატჩის მოგება შემეძლო."

მართალია, გაკრვეული მახასიათებლების გადატანა შეძლო, მაგრამ იგივე თავდაჯერებულობა ჰენდრიმ პოკერში ვერ გამოიმუშავა. პოკერის მაგიდებთან არცისე წარმატებული კარიერის მიუხედავად, სტივენ ჰენდრის სახელი იმდენად დიდი იყო, რომ მას PokerStars-მა მიაკითხა და ერთწლიანი კონტრაქტი შესთავაზა. ის დუბლინში გამართულ რამდენიმე ტურნირსაც დაესწრო, სადაც PokerStars-ის სამკლაურის ქვეშ ითამაშა - სამწუხაროდ, ამჯერადაც წარუმატებლად.