უკვე მერამდენე წელია, რაც დენიელ ქეითსი ტომ დუანს სათამაშო მაგიდასთან ეპატიჟება... 2018 წელიც Jungelamn-მა დუანის ძიებაში დაასრულა: "ტომ, კარგა ხანია შენგან არაფერი გამიგია, - წერს ქეითსი 'ტვიტერზე' - არ ფიქრობ, რომ დროა რამე ხალხს სიახლე მივაწოდოთ 2010-ში დაწყებულ Durrrr Challenge-ზე?"

Durrrr Challenge ტომ დუანის მიერ გამოცხადებული ღია დუელი იყო. ნებისმიერ მსურველს შეეძლო მისვლა, ნახევარი მილიონი დოლარით მაგიდასთან დაჯდომა და ჰედს-აპ სესიის გამართვა. დუანის წინააღმდეგ ისეთმა მოთამაშეებმა გაილაშქრეს, როგორებიც პატრიკ ანტონიუსი და მულტიმილიონერი ბიზნესმენი - სემი ჯორჯი არიან. ვინც დუანთან მნიშვნელოვან წარმატებას მიაღწია, სწორედ დენ ქეითსი იყო. 

Jungleman-მა დუანს $1.2 მილიონი დოლარი მოუგო, მაგრამ თამაშის დასრულებამდე კიდევ რამდენიმე ათასი ხელი იყო დარჩენილი, როცა 2011 წლის Black Friday-ის მოვლენები დაიწყო. თამაში დროებით შეჩერდა. იმ მომენტში არავინ იცოდა, რომ თამაში წლობით იქნებოდა დაპაუზებული. დენიელ ქეითსი ორ ულტიმატუმს აყენებს: ან თამაში უნდა გაგრძელდეს, ან გარკვეული კომპენსაცია უნდა მიიღოს. 

გაუგებრობას კიდევ ერთი ელემენტი ქმნის. დენიელ ქეითსმა რამდენჯერმე ახსენა, რომ დუანი მას ყოველთვიურად კომპენსაციას უხდის. ფინელ გრაინდერთან - ილარი საჰამისთან საუბარში ქეითსმა ისიც თქვა. რომ დუანმა მას $800.000 დოლარამდე გადაუხადა, რითიც დაუსრულებელი ჰედს-აპი სრულად გამოისყიდა. საახალწლო 'ტვიტი' კი ამ ყველაფერს ეჭვქვეშ აყენებს.