დომინიკ ნატი ამერიკელი პუბლიცისტია, რომელსაც საავტორო რადიო გადაცემა მიჰყავს. მის შოუში ისეთი ვარსკვლავები იყვნენ მიწვეულები, როგორებიც Kiss-ის ლეგენდარული ბას-გიტარისტი - ჯინ სიმონსი, მსახიობი - ვუპი გოლდბერგი და ამერიკული ფეხბურთის სუპერსტარი - მაიკლ ვიკი არიან. მიმდინარე კვირას, ნატის შოუს WSOP-ის 15 სამაჯურის მფლობელი - ფილ ჰელმუტი დაემატა. 

10 წუთიანი ინტერვიუს დროს, Poker Brat-მა თავის წიგნზე - Positivity: You are always in the Right Place at the Right Time-ის შესახებ და თავისი წარმოუდგენელი ცხოვრების შესახებ ისაუბრა, რომელზეც ვერც კი იოცნებებდა. ფილ ჰელმუტმა Golden State Warriors-ის წევრზე, დრეიმონდ გრინზეც თქვა რამდენიმე სიტყვა, რომელმაც 2017 წელს NBA-ის საუკეთესო მცველის ტიტული მოიპოვა. ჰელმუტი არასდროს მალავს, რომ მას საკმაოდ ახლო ურთიერთობა აქვს გუნდის წევრებთან: "დრეიმონდი ჩემი რჩეულია. მას რომ ვინმე პირადად იცნობდეს, აუცილებლად შეუყვარდებოდა. პრობლემა იმაშია, რომ მოედანზე ის ისევე ვარდება 'ტილტში', როგორც მე პოკერის მაგიდასთან." 

ჰელმუტს არც ის დაუმალავს, რომ ის აქტიურად ეხმარებოდა გრინს პოკერის თამაშის გამოსწორებაში. 

ნატის კითხვაზე, იყო თუ არა ჰელმუტი მაკაუში ჩასული, მოთამაშემ უარყოფითად უპასუხა და თქვა, რომ მაკაუში მიმდინარე თამაშებზე დასწრების უფლებას საკუთარ თავს ვერ მისცემს, რადგან იქ წარმოუდგენლად მაღალ ლიმიტებზე თამაშობენ. კიდევ ერთი სიახლე, რაც ყურადღებას იმსახურებს ისაა, რომ ფილ ჰელმუტი CNN-თან მოლაპარაკებებს აწარმოებს და შესაძლოა მან უდიდესი ტელე-კორპორაციის ერთ-ერთი შოუ წაიყვანოს.