ბლიც ინტერვიუ პოტ-ლიმიტ ომაჰას ექსპერტთან, ლუდოვიკ გაილიჰთან

სულ ცოტა ხნის წინ PartyPoker-მა თავის პროფესიონალთა გუნდს ლუდოვიკ გაილიჰი დაამატა. შოტლანდიელი მოთამაშე პოტ-ლიმიტ ომაჰას ექსპერტად მიიჩნევა. მისი საერთო სატურნირო მოგება $2.237.208 დოლარს შეადგენს, რაც ყველაზე შემოსავლიანი შოტლანდიელების სიაში მას მე-4 პოზიციას ანიჭებს. მიმდინარე წლის აპრილში მან ბარსელონაში გამართული PartyPoker-ის €1.100 ევროიანი ტურნირი მოიგო, €306.421 ევროთი პირველი ადგილისთვის.

ლუდოვიკ გაილიჰს ონლაინ გამოცემა HighStakesDB ესაუბრა. ჩვენ ამ ინტერვიუს ნაწყვეტს გთავაზობთ.

როდის დაიწყე პოკერის თამაში?

თამაში ჩემი უბნის სნუკერის კლუბში დავიწყე, როცა 15-ის ვიყავი.

ქეშ-გეიმს ამჯობინებ თუ MTT-ის?

როგორც წესი, დიდი ტურნირები მირჩევნია, რადგან გაცილებით მეტი წინააღმდეგობის გადალახვა მიწევს. მაგრამ პოტ-ლიმიტ ომაჰას ქეშ გეიმებზე უარს ვერ ვამბობ ხოლმე.

ულიმიტო ჰოლდემი თუ პოტ-ლიმიტ ომაჰა?

PLO გაცილებით მხიარული თამაში მგონია.

5 საუკეთესო მოთამაშე?

საუკეთესო მოთამაშეები მუდმივად იცვლებიან. ამ მომნეტში, ვფიქრობ, რომ გერმანელებისკენ ვიხრები.

ყველაზე ცუდი მოთამაშე?

უხერხული სათქმელია, მაგრამ კევინ ჰართი უნდა დავასახელო.

PartyPoker-ის სიიდან, რომელ მოთამაშეს გამოარჩევდი?

ალბათ, ფედორ ჰოლცს. მან ყველაფერს ძალიან ჩქარა მიაღწია.

წარმოიდგინე, რომ 6 კაციან მაგიდაზე თამაშობ. ვინ იქნებოდა დანარჩენი 5 მოთამაშე?

ერთ-ერთი აუცილებლად იქნებოდა ჯეიკ კოდი. დანარჩენ ადგილებს, ალბათ, ცნობილ ადამიანებს დავუთმობდი: ენტონი ჰოპკინსი, ელონ მასკი და რობინ უილიამსი.

პოკერთან დაკავშირებული ყველაზე ცუდი მოგონება?

ლონდონში ნათამაშები EPT, როცა მე-4 ადგილი ავიღე.