როზვადოვში მიმდინარე WSOP-ის ევროპული ტურნე აქტიურ ფაზაში შევიდა. ევროპული სერიების მე-5 ივენთზე, €1.100 ევროიან Monster Stack-ზე 314 მოთამაშე დარეგისტრირდა. ღონისძიების გარანტირებული საპრიზო ფონდი €500.000 ევრო შეადგენდა, მაგრამ ზუსტად 666-ჯერ გადახდილი ბაი-ინის წყალობით, პრაიზ-პული €166.000 ევროთი გაიზარდა, რაც გასული წლის ტურნირის შედეგებს მნიშვნელოვნად აუმჯობესებს.

ტურნირზე ისეთი მოთამაშეები გამოჩდნენ, როგორებიც რაიან რაისი, მანიგ ლოსერი, მარტინ კაბრელი, შონ დიბი და არი მოშე არიან. ჩინელი ქუან ჟოუს ჩიპლიდის პირობებში, მოწინავე ადგილებს ქართული წარმოშობის მიხეილ მაღალაშვილიც იკავებს, რომელიც ტურნირზე ისრაელის სახელით ასპარეზობს. უნდა ითქვას, რომ მიმდინარე ევროპული სერიები ისრაელისთვის განსაკუთრებული წარმატებით გამოირჩევა: თამირ სეგალმა და არი მოშემ თითო-თითო ოქროს სამაჯური მოიპოვეს. რა თქმა უნდა, არც მაღალაშვილის მიღწევაა უყურადღებოდ დასატოვებელი, რადგან აქტიურ ტურნირზე მოწინავე პოზიციის გარდა, მის ანგარიშზე €550 ევროიანი პოტ ლიმიტ ომაჰას ფინალური მაგიდაცაა. ჰან ტრანის მიერ მოგებულ ტურნირზე, მაღალაშვილმა მე-7 პოზიციისთვის მან €6.896 ევრო მიიღო.

HandonMob-ის მონაცემებით, მაღალაშვილი კარიერული სატურნირო მოგება $109.718 დოლარს შეადგენს. ისრაელის ყველაზე შემოსავლიან მოთამაშეთა რიგებში ის 78-ე ადგილს იკავებს.