როზვადოვში მიმდინარე პოკერის მსოფლიო სერიების 2018 წლის ევროპული ტურნეს პირველი ივენთი - WSOPE Colossus თამირ სეგალის გამარჯვებით დასრულდა. ებრაული წარმოშობის მოთამაშეს 2.991 მონაწილეს შორის მძიმე ბრძოლის გადატანა მოუხდა, რათა პირველი ადგილისთვის დაწესებული €203.820 ევრო და კარიერაში პირველი ოქროს სამაჯური მიეღო. 

€550 ევროიანი ტურნირის გარანტირებული საპრიზო ფონდი €1.000.000 ევროს შეადგენდა. თუმცა, გვიანი რეგისტრაციის წყალობით, პრაიზ პული €1.435.412 ევრომდე გაიზარდა. კარიერაში საუკეთესო ანაზღაურების მისაღებად, თამირ სეგალს პოლონელი ვოიჩეჰ ვირებსკის დამარცხება დასჭირდა, რომელმაც, თავის მხრივ, ასევე კარიერის საუკეთესო ჯილდოს - €125.966 ევროს გამოჰკრა ხელი. 

ფინალური ჰედს-აპი დაძაბულობით და ხანგრძლივობით ნამდვილად არ გამოირჩეოდა: ჩიპლიდი რამდენჯერმე შეიცვალა და ბოლოს, ვირებსკიმ მთელი სტეკი AQ-ის იმედად მაგიდის ცენტრში მოაქცია. სეგალმა KT-ით ქოლი გააკეთა. თერნზე დადებულმა K-მა ვიბერსკის ხელი ანდერდოგად აქცია, ხოლო რივერზე დადებულმა T-მა ყველაფერს წერტილი დაუსვა და ევროპული WSOP-ის ყველაზე ხალხმრავალი ივენთის ჩემპიონობა თამირ სეგალს მიანიჭა.