ვეგეტარიანელები მსოფლიო პოკერში
1-ლი ოქტომბერი ვეგეტარიანელების საერთაშორისო დღეა. ორგანიზაცია North American Vegetarian Society (NAVS) - ჩრდილოეთ ამერიკის ვეგეტარიანული საზოგადოების ინფორმაციით, ჯგუფმა საერთაშორისო დღის აღნიშვნა 1977 წელს დაიწყო. ღონისძიების მიზანი ფართო საზოდაგოდებაში ცნობადობის ამაღლება და უხორცო დიეტის უპირატესობის წარმოჩნაა. NAVS-ის დებულების მიხედვით, ვეგეტარიანული დიეტა 4 ძირითად ბენეფიტს იძლევა:
- გულ-სისხლძარღვთა დაავადებებისა და კიბოს თავიდან აცილება
- სასურსათო მარაგის მიზნობრივი გამოყენება
- ფინანსური მხარდაჭერის შეწყვეტა იმ დაწესებულებებისთვის, ვინც ცხოველებს სასტიკად ეპყრობა
- გარემოს დაბინძურების მინიმიზაცია
პოკერის სამყაროში კი ვეგეტარიანულ ცხოვრების წესს დენიელ ნეგრანუს სახით დიდი ქომაგი ჰყავს. კანადელმა პროფესიონალმა მოთამაშემ ვეგეტარიანული პრინციპები ერთი საფეხურით მაღლა აიყვანა და ვეგანური ცხოვრების წესი აირჩია - ის საკუთარი რაციონიდან სრულად გამორიცხავს არამხოლოდ ხორცპროდუქტებს, არამედ ნებისმიერი სახის რძისა და კვერცხის ნაწარმს.
როგორც ნეგრანუ ამბობს, ის უკვე 18 წელია, რაც ვეგანია. 2015 წელს, PokerStars-ის სახემ იმ უპირატესობებზე ისაუბრა, რომელიც მას ცხოვრების ვეგანურმა წესმა მოუტანა. მან განსაკუთრებული აქცენტი პოკერზე გააკეთა: "პოკერი შეიცვალა. ცვლილება შეეხო არამხოლოდ თამაშს, არამედ თავად მოთამაშეებსაც - ისინი განათლებული ადამიანები არიან, რომლებიც კითხვებს სვამენ, რომლებიც ღელავენ, როგორც კარიერაზე, ასევე საკუთარ ჯანმრთელობაზე. დღეს იშვიათად თუ ნახავთ პოკერის მოთამაშეს, რომელიც ფორმაში არ არის. ფიტნესსა და კვებას ყველა დიდ ყურადღებას უთმობს."
დენიელ ნეგრანუ ერთადერთი მოთამაშე არაა, ვინც საკუთარი რაციონიდან ხორცეული ამოიღო. პრაჰლად ფრიდმანი - ლეგენდარული ჰაი სტეიკს ქეშ-გეიმ გრაინდერი დიდი ხნის ვეგანია. WSOP-ის ოქროს სამაჯურის მფლობელი, სინდი ვაიოლეტი კი იმდენადაა ჩართული ვეგანიზმის პოპულარიზაციაში, რომ საკუთარი რესტორანიც კი გახსნა - Violette's Vegan.
რაც შეეხება აზარტულ სამყაროსა და ვეგანიზმის კვეთას, ყველას ემახსოვრება ფილ აივისა და ტომ დუანის სანაძლეო, რომელიც წყვილმა High Stakes Poker-ის ეთერში, სახალხოდ დადო. სანაძლეოს მიხედვით, აივის ერთი წლის განმავლობაში უარი უნდა ეთქვა ნებისმიერ კერძზე, რომელიც ხორცისგან იყო მომზადებული. სანაძლეო თანხა $1.000.000 დოლარით განისაზღვრა. მოგვიანებით, კულუარებიდან ცნობილი გახდა, რომ აივიმ ტომ დუანისგან სანაძლეო პირობა $150.000 დოლარად გამოისყიდა.
