ანტონი ზინომ CPPT Main Event მოიგო - $466.670

მიმდინარე ზაფხულის ერთ-ერთმა მნიშვნელოვანმა ტურნირმა - $5.000 დოლარიანმა CPPT Main Event-მა ხუთშაბათს, The Venetian-ში აიღო სტარტი. ტურნირზე 547 მონაწილე დარეგისტრირდა, რომელთა შორისაც საუკეთესო შედეგი 36 წლის ანტონი ზინომ აჩვენა. 

"შვებულების ასაღებად რამე მნიშვნელოვან მიზეზს ვეძებდი, - ყვება ზინო, - თითქმის შეუჩერებლად ვთამაშობდი. WSOP-ზე მხოლოდ ერთი საღამო დავისვენე. ტურნირის მოგება ჩემს საზაფხულო მიზნად იქცა და აი, ისიც! ახლა შემიძლია დამშვიდების უფლება მივცე საკუთარ თავს და ცოტა დავისვენო. როგორც იქნა, საშუალება მეძლევა იმ მოვლენებზე გავამახვილო ყურადღება, რასაც თამაშის დროს მაქსიმალურად ვარიდებდი თავს."

უკანასკნელი ტურნირის მოგებისთვის ზინომ $466.670 დოლარი მიიღო. მისი სატურნირო კარიერა უკვე $8 მილიონ დოლარიან ნიშნულს გადასცდა. ზინოს ერთ-ერთ საუკეთესო წლად 2015 წელი შეიძლება ჩაითვალოს, როდესაც მან WPT L.A. Classic და WSOP $25.000 High Roller ივენთი მოიგო. მხოლოდ ამ ორი ტურნირიდან ზინომ $2.137.000 დოლარიანი მოგება ნახა. 

ტურნირის ფინალური მაგიდა დიდი სახელებით იყო დატვირთული: ზინოს გარდა, მაგიდასთან 2014 წლის WSOP Main Event-ის ჩემპიონი - მარტინ ჯეიკობსონი, დენ შეკი და სტივენ ჩედვიკი ისხდნენ. ფინალური ჰედს-აპი ზინოსა და ბენ ჯონსს შორის გაიმართა, რომელიც რამდენიმე დარიგების შემდეგ მოთამაშეებს შორის შემდგარი შეთანხმებით დასრულდა. წყვილმა დარჩენილი საპრიზო ფონდი თამაშში არსებული ჩიპების შესაბამისად გაინაწილეს, ხოლო ტიტული ჩიპლიდერს - ანტონი ზინოს შეხვდა.

პოზიციამოთამაშეანაზღაურება
1ანტონი ზინო$466.670
2ბენ ჯონსი$390.956
3ბრაიან პიჩოლი$237.808
4სტივენ ჩედვიკი$177.091
5ჯეი ფარბერი$134.083
6სი მინგ ქი$101.195
7ანტონ ვიგი$78.426
8დენ შეკი$60.717
9მარტინ ჯეიკობსონი$48.068

 

რუმები

ქართული უცხოური