მიმდინარე WSOP-ზე, $1.000 დოლარიანი Seniors No-Limit Hold'em-ის ივენთის გამარჯვებული ფარინტა ბონიადი გახდა, რომელმაც 2.191 მოთამაშიანი ტურნირის, პირველი ოქროს სამაჯურისა და $311.451 დოლარის მოგება შეძლო. 

სამაჯურისა და ფულადი ანაზღაურების გარდა, ბონიადის სახელი იმითაც გახდა მნიშვნელოვანი, რომ ის მიმდინარე წლის სერიების პირველი ქალი მოთამაშეა, ვინც ტურნირის მოგება შეძლო. ფარინტა და მისი შვილი - ფრედი ბონიადი პირველი დედა-შვილია, ვინც WSOP-ის ოქროს სამაჯურის ფლობა პარალელურად შეძლო. 

ფრედი ბონიადის ანგარიშზე 3 ოქროს სამაჯურია. "ახლა სურს, რომ მე დამეწიოს" - ხუმრობს პროფესიონალი მოთამაშე დედაზე. რა თქმა უნდა, შვილის რჩევება მნიშვნელოვანი როლი ითამაშა დედის წარმატებაში: "რაც მე ვუთხარი, ის იყო, რომ სტეკის შემცირებისას მაქსიმალური მოთმინება გამოეჩინა,  - ყვება ფრედი, - დანარჩენი საქმე თავადვე გააკეთა."

თავდაპირველი გათვლებით, ტურნირი 3 დღის განმავლობაში უნდა გაგრძელებულიყო, მაგრამ დაძაბული ბრძოლის შემდეგ, ორგანიზატორებმა მე-4 დღეც დაამატეს. აშკარაა, რომ ფარინტა ბონიადიმ მძიმე ომი გადაიტანა, სანამ რობერტ ბიჩთან ფინალურ ჰედს-აპს მიაღწევდა. $1.971.900 დოლარიანი საპრიზო ფონდიდან, ფულადი ანაზღაურება 329 მოთამაშეს შეხვდა. ჰედს-აპის მონაწილეებმა პირველი და მეორე ადგილებისთვის, შესაბამისად - $311.451 და 192.397 დოლარი მიიღეს.