WSOP-ზე ფილ აივის დაბრუნებას ყველა ელოდა. უკანასკნელ წლებში, როგორც წესი, აივი WSOP-ის არ წყალობს - მხოლოდ მეინ ივენთს თუ ითამაშებს. პოკერის მსფოლიო სერიებზე მისი უკანასკნელი ანაზღაუარება 2014 წლით თარიღდებოდა. უცებ კი ყველაფერი შეიცვალა.

რა თქმა უნდა, $100.000 დოლარიან ივენთზე აივის დარეგისტრირება არავისთვის ყოფილა დიდი სურპრიზი. ძვირადღირებული ქეშ-გეიმები, ჰაი როლერ ტურნირები, დიდი ანაზღაურება, დიდი საპრიზო ფონდი - სრულიად დამახასიათებელი, აივისთვის ჩვეული მოვლენაა. მაგრამ როდესაც აივი COLOSSUS-ის $565 დოლარიან ივენთზე დარეგისტრირდა, პოკერის გულშემატკივრების ყურადღება გაათმაგდა. კულუარებში დაიწყეს იმაზე საუბარი, რომ მსგავს ტურნირზე რეგისტრაციას ერთადერთი ახსნა აქვს: აივის WSOP-ის ოქროს სამაჯურებზე სანაძლეო აქვს დადებული, რომელიც მას ნებისმიერ ღია ტურნირზე რეგისტრაციას აიძულებს. $2.048 დოლარიანი ანაზღაურება, რომელიც COLOSSUS-ისთვის ეკუთვნოდა, აივის არც კი აუღია.  

აშკარაა, რომ აივის დიდი საზაფხულო გეგმები აქვს. 

რაც შეეხება Big One for One Drop-ის ივენთს: ტურნირი პირველად 2012 წელს გაიმართა. მაშინდელი ღონისძიების გამარჯვებული ანტონიო ესფანდიარი გახდა, რომელმაც $18 მილიონ დოლარამდე მოიგო. რამდენიმეწლიანი პაუზის შემდეგ, მსოფლიოს ყველაზე ძვირადღირებული ტურნირი კვლავ დიდ სცენას დაუბრუნდა. 

აივის გულშემატკივრებს მისი თამაშის ნახვის საშუალება 16 და 17 ივლისს მიეცემათ. რაც ყველაზე მნიშვნელოვანია, გულშემატკივრებს აივის მოგებული თანხის ნაწილის მიღება შეეძლებათ. როგორც Virtue Poker იტყობინება, ისინი ლეგენდარული მოთამაშის $100.000 დოლარიანი ბაი-ინის 30%-ს, ხოლო $1.000.000 დოლარიანი ბაი-ინის 5%-ს ფლობენ. თუ აივი საპრიზო ადგილზე გასვლას მოახერხებს, Virtue Poker-ს შესაბამისი პროცენტის ანაზღაურება შეხვდება, რომლის დახარჯვასაც კომპანია მთლიანად მოთამაშეებსა და პოკერის გულშემატკივრებზე გეგმავს. 

ამ მომენტისთვის, ფილ აივის WSOP-ის 10 ოქროს სამაჯური აქვს მოგებული და პოკერის ორი ლეგენდის - დოილ ბრანსონისა და ჯონი ჩენის გვერდით დგას. ის მხოლოდ ფილ ჰელმუტს ჩამორჩება, რომელიც 14 ოქროს სამაჯურს ფლობს. აივი 4-ჯერ ჰქონდა შანსი დამატებითი ოქროს სამაჯური მოეგო, მაგრამ ოთხივეჯერ ფინალურ ჰედს-აპში დამარცხდა.