უკვე ერთი წელია, რაც იენს კილონენმა პოკერს თავი დაანება. მიუხედავად ამისა, პოტ ლიმიტ ომაჰას ერთ-ერთი საუკეთესო სპეციალისტი კვლავაც მოწოდების სიმაღლეზეა და High Stakes DB-ის მონაცემებით, გასული კვირის ყველაზე მომგებიან მოთამაშედ ითვლება. 

კილონენი პოკერის დიდ სცენაზე 2009 წელს გამოჩნდა, როდესაც კოპენჰაგენში გამართული EPT-ის მეინ ივენთი მოიგო, $1.120.184 დოლარიანი ანაზღაურებით პირველი ადგილისთვის. ამის შემდეგ, მან 2016 წელს გაიბრწყინა, როდესაც WSOP-ის $25.000 დოლარიან ჰაი როლერ ივენთზე ოქროს სამაჯურს გამოჰკრა ხელი. მაშინ ფინელმა მოთამაშემ $1.127.035 დოლარი მოიგო. 

ტურნირებში კილონენს მართლაც დიდი წარმატება ჰქონდა, მაგრამ მისი კარიერის მთავარი ნაწილი ქეშ-გეიმებზე მოდის. როგორც თავად ამბობს, პოკერში ყველაზე დიდი მიღწევად იმ მომენტს თვლის, როდესაც 2011 წელს, Full Tilt Poker-ის რუმზე, ერთ ღამეში $1.000.000 დოლარის მოგება შეძლო: "$10/$20 და $25/$50 მაგიდებზე ვთამაშობდი, მაგრამ ძალიან მიჭირდა. ხანგრძლივი დროის განმავლობაში ვაგებდი და წინ ვერ მივდიოდი. იმ ღამის შემდეგ, ყველაფერი შეიცვალა და მივხვდი, რომ მაგიდაზე დომინაცია ნამდვილად შემეძლო."

მის გრაფიკს თუ შევხედავთ, მივხვდებით, რომ მისი მოგების ხაზი, თანაბარი ინტენსივობით, ყოველთვის ზევით მიიწევდა. 2018 წლის მონაცემებით, ონლაინ მაგიდებთან იენს კილონენს $5.44 მილიონი დოლარი აქვს მოგებული. შარშან, კილონენის განცხადებით, მან პროფესიონალური პოკერი დატოვა, რადგან აკადემიურ მოსწრებაზე ეზრუნა და ფინანსების მიმართულებით განვითარებულიყო. მიუხედავად ამისა, მიმდინარე წლის განმავლობაში, მისი მოგება $155.000 დოლარს აჭარბებს.