უკანასკნელ დროს, ონლაინ გამოცემების სტატიებში ფილ აივის სახელს ხშირად ამოიკითხავთ. როგორც იქნა, პოკერის გულშემატკივრებმა აივის სათამაშო კარიერასთან დაკავშირებული ახალი ამბები გაიგეს, რადგან უკანასკნელი რამდენიმე წლის განმავლობაში, თუ ლეგენდარული მოთამაშის სახელი რომელიმე გამოცემის სათაურში გაიჟღერებდა, ნიუსი მის სასამართლო პროცესთან იქნებოდა დაკავშირებული და არა პოკერის მაგიდებთან. 

რამდენიმე დღის წინ, ლეგენდარულმა მოთამაშემ Triton-ის ევროპულ სერიებზე Short Deck Hold'em-ის ტურნირი მოიგო, $604.000 დოლარიანი ანაზღაურებით პირველი ადგილისთვის. როგორც ჩანს, აივი სატურნირო პოკერს უბრუნდება და გულშემატკივრებსაც მისი ნახვის საშუალება ხშირად მიეცემათ. თავად აივი აცხადებს, რომ მიმდინარე წლის ზაფხულში, ლას ვეგასში დადეგმილ WSOP-ის სერიებზე ის კიდევ უფრო გააქტიურდება. "მინდა, რაც შეიძლება მეტი ტურნირი ვითამაშო" - ამბობს 'პოკერის თაიგერ ვუდსი'. 

მისი უკანასკნელი სამაჯური 2014 წლით თარიღდება, როდესაც მან $1.500 Eight Games Mix ივენთზე 485 მოთამაშეს შორის საუკეთესო შედეგი აჩვენა და $167.332 დოლარიან ანაზღაურებასთან ერთად, მე-10 ოქროს სამაჯურიც მოიგო. 2015 წელს, Aussie Millions-ის ფარგლებში გამართულ LK Boutique Challenge-ის მოგებისთვის, მან $1.710.854 დოლარი მიიღო. 

"Short Deck-ს უკანასკნელი წელიწადნახევარია აქტიურად ვთამაშობ, ამიტომაც ბოლო ტურნირს საკმაოდ მომზადებული შევხვდი. თუმცა, ჰედს-აპში დენიელ ქეითსთან დაპირისპირება ადვილი არ აღმოჩნდა" - ამბობს აივი. როგორც PokerNews-თან საუბრისას აღნიშნა, ბოლო დროს ის ბევრს მოგზაურობს და ლას ვეგასის დიდ ტურნირებში დაბრუნებას მოუთმენლად ელოდება.