კამათი იმაზე, თუ ვინაა პოკერის საუკეთესო მოთამაშე, არასდროს დასრულდება. პროფესიონალი გემბლერები მილიონობით დოლარს იგებენ და აგებენ და მათი აღრიცხვა პრაქტიკულად შეუძლებელია. უამრავი გულშემატკივარი იმ მოსაზრებასაც ემხრობა, რომ მოთამაშე არამხოლოდ მოგებული თანხით, არამედ ტიტულებით ფასდება, რაც იმას ნიშნავს, რომ ყურადღების ცენტრში სატურნირო პოკერი უნდა მოვაქციოთ. როცა საქმე ონლაინ პოკერს ეხება, ყველაფერი შედარებით მარტივდება: ინტერნეტ პოკერ-რუმები ეგოს დაკმაყოფილების ასპარეზი ნამდვილად არ არის - ადამიანები აქ ფულს გამოიმუშავებენ, ხოლო ელექტრონული თანხის აღრიცხვა ბევრად მარტივი პროცესია, ვიდრე პრივატულ სესიებზე მიმოქცევაში მყოფი ფული. გთავაზობთ ონლაინ პოკერის ისტორიაში 10 ყველაზე წარმატებული მოთამაშის სიას:

1. პატრიკ ანტონიუსი - მიუხედავად იმისა, რომ მსოფლიო პოკერის ერთ-ერთ უდიდეს მოთამაშეს WSOP-ის არცერთი სამაჯური არ აქვს მოგებული, მრავალი წლის განმავლობაში ის ქეშ-გეიმების ნამდვილი რისხვა იყო. უცნობია მისი შემოსავლები პრივატულ სესიებზე, მაგრამ რაც დადასტურებულად ვიცით, ინტერნეტ მაგითებთან მას $17.031.600 დოლარი აქვს გამომუშავებული. 

2. ბენ ტოლერენი - სანამ ომაჰა პოკერის სამყაროს ახალი ძალებით შეუტევდა და პოპულარობის ეპიცენტრში მოექცეოდა, ბენ ტოლერენმა პოკერის ამ სახეობას მრავალი წელი შესწირა. შედეგი მოგვიანებით მოვიდა: როცა პოტ-ლიმიტ ომაჰა ონლაინ თამაშების ერთ-ერთ მთავარ ფორმად იქცა, ტოლერენმა $11.334.248 დოლარის აკუმულირება მოახერხა. 

3. დენიელ ქეითსი - პოკერის ისტორიაში ერთ-ერთი ყველაზე მამაცი მოთამაშე. ე.წ. Black Friday-ის დაწყებამდე, როდესაც ამერიკული ონლაინ პოკერის სრული პარალიზება მოხდა, დენიელ ქეითსმა ყველაფერი მოსინჯა. 2 წლის განმავლობაში, ის არცერთ ძვირადღირებულ ქეშ-გეიმ სესიაზე არ ამბობდა უარს, შედეგად კი $11.166.681 დოლარი დააგროვა.

4. ფილ აივი - როგორც წესი, მე-4 პოზიციაზე პოკერის საუკეთესო მოთამაშედ აღიარებული აივის ნახვა უამრავი გულშემატკივრისთვის დიდ სიახლეს წარმოადგენს. მიუხედავად იმისა, რომ აივის ლაივ ტურნირებიდან მიღებული შემოსავალი $24 მილიონ დოლარს აღწევს, მისი ონლაინ პოკერის კარიერა $10.441.962 დოლარს ითვლის. მართალია, ის ერთ დროს ყველაზე მომგებიან მოთამაშედ ითვლებოდა, მაგრამ Black Friday-ის შემდგომ პერიოდში, ონლაინ მაგიდებთან, აივიმ $8 მილიონ დოლარზე მეტი წააგო. 

5. სვენ ჰაინეკერი - სავარაუდოდ, ხუთეულის ყველაზე ნაკლებად ცნობილი მოთამაშე. ბევრმა არ იცის, რომ ფსევდონიმ 'ragen70'-ს ამოფარებულ გერმანელს საოცარი კარიერა ჰქონდა. რამდენიმე წლის განმავლობაში, ონლაინ მაგიდებთან, ჰაინეკერმა ყველა თამაში მოიგო, რომელშიც ბედი სცადა. $9.754.791 დოლარის შეგროვების შემდეგ, გერმანელმა პოკერის მოთამაშის კარიერა მიატოვა და მას შემდეგ პოკერის სამყაროში აღარ გამოჩენილა.