ლეგენდარული მოთამაშე PartyPoker-ის ლეგენდარულ გადაცემაში დაბრუნდა. PartyPoker-ის Big Game სატელევიზიო სივრცეში ერთ-ერთი ყველაზე ცნობილი გადაცემა იყო, რომელმაც პოკერის ინდუსტრიას უამრავი გულშემატკივარი და მოთამაშე შესძინა. ამჯერად, გადაცემა პოტ ლიმიტ ომაჰას დაეთმო. მოყვარულებთან და ბიზნესმენებთან ერთად, მაგიდასთან ისეთი მოთამაშეები ისხდნენ, როგორებიც ვიქტორ Isildur1 ბლომი და სემ ტრიკეტი არიან. 

ტონი ჯი, გარდა იმისა რომ PartyPoker-ის ერთ-ერთი დამფუძნებელია, ის მრავალი წლის განმავლობაში კომპანიის სავიზიტო ბარათად ითვლებოდა. ანტანას გუოგამ სახელი წარმატებული მოთამაშის კარიერით, ქველმოქმედებითა და სკანდალური იმიჯით გაითქვა. ის ხშირად იყენებდა დამარცხებული მოთამაშეების მიმართ შეურაცხმყოფელ ან დამცინავ გამონათქვამებს, რაც პოკერის მოყვარულებში აღტაცებას, ხოლო ოპონენტებში დიდ გაღიზიანებას იწვევდა. 

ავსტრალიური წარმოშობის ლიტველმა მოთამაშემ, რომელიც ამჟამად პოლიტიკაშია ჩართული, რობ იონგის წინააღმდეგ ნათამაშებ დარიგებაში, $423.800 დოლარიანი ბანკის მოგება შეძლო. დიდი მოგების აღნიშვნის ტრადიცია ამჯერადაც არ დაირღვა. დარიგების ნახვა ქვემოთ მითითებულ ბმულზეა შესაძლებელი.