ჯასტინ ბონომოს არაჩვეულებრივი სეზონი აქვს - მან ჯერ 2018 წლის WPT Lucky Hearts Poker Open-ზე თითქმის მილიონი დოლარის მოგება მოახერხა, ახლა კი პოკერის ისტორიაში პირველი US Poker Open-ის მოგება შეძლო, $190.400 დოლარიანი ანაზღაურებით პირველი ადგილისთვის. 

პირველ $10.000 დოლარიანი US Poker Open-ზე 68 მოთამაშე დარეგისტრირდა. ფინალურ მაგიდაზე, სხვებთან ერთად, ბონომოს ისეთი მოთამაშეები უწევდნენ წინააღმდეგობას, როგორებიც სტივენ ჩედვიკი და 2016 წლის GPI-ის რეიტინგის ნომერი პირველი მოთამაშე - დევიდ პიტერსი არიან. გადამწყვეტ ჰედს-აპში ბონომომ ლიბანელი პიერ ნადიმი დაამარცხა, რომელსაც მეორე ადგილისთვის $136.000 დოლარი ხვდა წილად. 

ამ მომენტისთვის, 32 წლის ჯასტინ ბონომოს კარიერა $20.000.000 დოლარზე მეტს ითვლის. პროფესიონალური თამაში ბონომომ ინტერნეტში დაიწყო. წარმატების მიუხედავად, მის კარიერაში შავი ლაქაცაა: 2006 წელს, ის მულტიექაუნთინგში დაადანაშაულეს, რის გამოც პოკერის ამომავალ ვარსკვლავს ათეულათასობით დოლარის გადახდა მოუხდა. "უკანასკნელი ორი თვის მანძილზე იღბალი წარმოუდგენლად მწყალობს და ვფიქრობ, ჩემი აფსვინგი კვლავაც გრძელდება" - ამბობს PokerNews-თან ინტერვიუში მსოფლიოს ერთ-ერთი ყველაზე წარმატებული მოთამაშე.