გუშინ, სტივ ო'დუაიერმა, უკანასკნელი 3 წლის განმავლობაში, მეორედ შეძლო PCA $50.000 ჰაი როლერ ივენთის მოგება. ფინალურ მაგიდაზე მან არაჩვეულებრივი ლაინ-აფი დაამარცხა: GPI-ის წლის მოთამაშე - ბაირონ კავერმანი, მსოფლიოში რიგით მე-2 ყველაზე შემოსავლიანი მოთამაშე - ერიკ საიდელი და 2017 წლის WSOP Main Event-ის მე-3 ადგილის მფლობელი ბენჯამინ პოლაკი. 

ფინალური დღის საწყისი მომენტისთვის, ჩიპლიდერის სტატუსს სწორედ ბაირონ კავერმანი ფლობდა. მეორე ადგილზე ფრანგი ჟან-ნოელ ტორელი იყო, ხოლო ო'დუაიერი მესამე პოზიციას იკავებდა. 

გადამწყვეტი ჰედს-აპი კვლავ კავერმანის ჩიპლიდით დაიწყო. 2.575 მილიონი ჩიპით, ო'დუაიერის 2.03 მილიონი ჩიპის წინააღმდეგ, ამერიკელ მოთამაშეს საკმაოდ კარგ შანსებსა და მნიშვნელოვან უპირატესობას აძლევდა. ირლანიდელმა პირველი 5 დარიგებიდან 4-ის მოგება მოახერხა, რამაც მნიშვნელოვანი გარდატეხა შეიტანა თამაშის მსვლელობაში. უკანასკნელ დარიგებაში, ბაირონ კავერმანს სულ რაღაც 10 ბიგ ბლაინდი ჰქონდა დარჩენილი, რომლის გარისკვაც მან Q9-ით გადაწყვიტა. სტივ ო'დუაიერმა მოწინააღმდეგის ოლინს JT-ით უპასუხა. ბორდზე მიღებული ტოპ წყვილით ო'დუაიერმა კარიერაში მეორედ PCA ჰაი როლერის მოგება შეძლო, რამაც მისი ბანკროლი $769.000 დოლარით გაზარდა.