PokerStars-ის ერთდღიანი ჰაი როლერ ივენთები მოთამაშეების ნაკლებობას არასდროს განიცდიდნენ. ამჯერადაც, პრაღაში მიმდინარე სერიების €25.000 ევროიან ჰაი როლერზე 50 მოთამაშე დარეგისტრირდა. 13 რებაის შემდეგ, საპრიზო ფონდმა €1.225.000 ევრო შეადგინა. ტურნირის გამარჯვებული ლიბანელი ალბერტ დრეჰერი გახდა, რომელმაც €324.727 ევრო მოიგო. 

ტურნირი დიდი სახელებით იყო დატვირთული. ზოგჯერ, ის მოთამაშეები, რომელთა სახელებიც ონლაინ გამოცემების სათაურებში ხვდება, სახლში ხელცარიელები ბრუნდებიან. ბრინ კენი, სტივ ო'დუაიერი, იგორ კურგანოვი, დომინიკ ნიცშე, დიტრიხ ფასტი, მუსტაფა კანიტი, შტეფენ შილჰაბელი - ეს იმ მოთამაშეების მცირე ჩამონათვალია, ვისზეც ყოველთვის მომგებიანი პროგნოზი კეთდება, მაგრამ ამჯერად, ვერცერთმა მათგანმა ფულის მოგება ვერ შეძლო. 

ჰაი როლერ ტურნირებისთვის დამახასიათებელი ტრადიცია კვლავ გაგრძელდა და პირველმა სამმა მოთამაშემ - ალბერტ დეჰერმა, რაიან რაისმა და მიკალაი ვასკაბოინიკაუმ საპრიზო ფონდი შეთანხმების საფუძველზე გაინაწილეს. ფინალური შვიდი პოზიცია შემდეგნაირად გადანაწილდა: