სიდნეიში მიმდინარე WSOP-ის ავსტრალიური სერიების ფარგლებში 2017 WSOP Sydney Circuit Ladies Event გაიმართა, რომელზეც 117 ქალბატონი დარეგისტრირდა. ტურნირის საპრიზო ფონდი სულ რაღაც $35.000 დოლარს შეადგენდა, მაგრამ პრესტიჟულობით WSOP-ის სხვა ღონისძიებებს ნამდვილად არ ჩამოუვარდებოდა. 

ფინალური მაგიდის დაწყებამდე, დამკვირებლების მზერა სუზი ჰუისისკენ იყო მიმართული. ჰუისი არამხოლოდ ამ ღონისძიების გასული წლის ჩემპიონია, არამედ 2017 წლის Star Poker Festival Ladies Event-ისა და 2017 Sydney Champs-ის გამარჯვებულიცაა. სამწუხაროდ, ავსტრალიელმა მოთამაშემ წლევანდელ ტურნირზე ფულში შესვლაც კი ვერ მოახერხა. 

ერთ-ერთ მომენტში, ამანდა გილარდის სტეკი სულ რაღაც 2.900 ჩიპს შეადგენდა, მაშინ როდესაც ტურნირის საწყისი სტეკი 10.000 ჩიპი იყო. "ვეცადე, მაქსიმალურად ვკონცენტრირებულიყავი თამაშზე და ჩემი საუკეთესო შედეგი მეჩვენებინა" - თქვა ტურნირის მოგების შემდეგ გილარდმა. 

დაძაბული ფინალური მაგიდის შემდეგ, ამანდა გილარდს საკმაოდ მშვიდი და სწრაფი ფინალური ჰედს-აპი ელოდა, რომელიც სულ რამდენიმე დარიგება გაგრძელდა. გადამწყვეტ ხელში, გილარდის KQ ლიენ ჰასის QJ-ს დაუპირისპირდა. ორივე მათგანმა ტოპ წყვილი მიიღო, მაგრამ ქიქერების ხარჯზე, გამარჯვება ჩიპლიდერს და მაგიდის აშკარა დომინანტ მოთამაშეს დარჩა.