შტეფენ სონტაიმერმა, რამდენიმე კვირის, წინ Poker Masters-ზე, სრული ფურორი გამოიწვია - გერმანელმა მოთამაშემ 5 ჰაი როლერ ტურნირიდან, 4-ზე ფინალურ მაგიდამდე მიღწევა შეძლო, საიდანაც $50.000 და $100.000 დოლარიანი ტურნირები მოიგო. ტრადიციისამებრ, Poker Masters-ის სერიების ყველაზე მომგებიან მოთამაშეს ე.წ. Purple Jacket გადაეცა, რაც პოკერის სამყაროში ერთ-ერთ განსაკუთრებულ და პატივსაცემ საჩუქრად ითვლება. 

გერმანელი მოთამაშე Poker Life Podcast-ში იყო მიწვეული, სადაც უამრავ თემას შეეხო. განსაკუთრებულ ინტერესს მისი ფილ ჰელმუტისადმი დამოკიდებულება იწვევს, რაც ამ უკანასკნელის წყობიდან გამოყვანის საუკეთესო მიზეზად შეიძლება ჩაითვალოს. ფილ ჰელმუტის აღწერისას, სონტაიმერმა უამრავი დეფინიცია გამოიყენა - "ფილ ჰელმუტის ერთადერთ კარგ თვისებად მისი ტრადიციული გვიანი რეგისტრაცია შეიძლება ჩაითვალოს, რითიც ის თვლის, რომ მათემატიკურ დისპერსიას ამცირებს." გარდა ამისა, სონტაიმერმა ჰელმუტის 'წარმატების საიდუმლოდან' მის თვისებაზე ისაუბრა, როდესაც მოწინააღმდეგის დიდი რეიზის შემდეგ, ის ბევრს ლაპარაკობს და საუკეთესო ხელს ყრის. უამრავი მსგავსი დამცინავი 'ქათინაურის' მიუხედავად, სონტაიმერმა ისიც აღნიშნა, რომ ფილ ჰელმუტის კარიერა, მის მიერ მოგებული WSOP-ის სამაჯურების რაოდენობა და მისი შემოსავლები პოკერის მოთამაშის წარმატებულ კარიერაზე აშკარად მეტყველებენ. 

როდესაც საქმე ფილ ჰელმუტის სათამაშო ტექნიკას შეეხო, სონტაიმერმა შემდეგი კომენტარი გააკეთა: "რთულია დადებითი სიტყვების მოძებნა მისი 10 ბიგ ბლაინდიანი სტრატეგიისთვის. რთულია რაიმე კარგის თქმა მის 20 ან 40 ბიგ ბლაინდიან სტრატეგიაზე. თეორიულად, ეს უბრალოდ შეუძლებელია." დასკვნისთვის, სონტაიმერმა, 2017 წლის Poker Masters-ზე ფედორ ჰოლცის მიერ ნათქვამი სიტყვები გაიმეროა: "მე მას დაუსრულებლად ვეთამაშებოდი."