რამდენიმე დღის წინ, მალიორკის სასამართლომ, 2011 წლის EPT Barcelona Main Event-ის მეორე ადგილზე გასული დრაგან კოსტიცის საქმესთან დაკავშირებით, გამამტყუნებელი გადაწყვეტილება მიიღო. წარმოშობით მაკედონელი მოთამაშე, რომელსაც ხელისუფლება მოგებული $766.438 დოლარიდან გადასახადების დამალვას ედავებოდა, ციხეში 18 თვეს გაატარებს. 

კოსტიცი 1992 წლიდან ესპანეთში ცხოვრობს. ესპანეთის კანონმდებლობის მიხედვით კი, მოგებული €528.000 ევროდან, სახელმწიფოსთვის, მას €228.000 უნდა გადაეხადა. როგორც მოგვიანებით გაირკვა, კოსტიცმა გადასახადის გადახდა არ ისურვა. სასამართლო პროცესზე კოსტიცის მთაცარი არგუმენტი იმაში მდგომარეობდა, რომ მან არ იცოდა იმ კანონის შესახებ, რომელიც მას კაზინოში მოგებული თანხის გადახდას ავალდებულებდა.

გამოძიების მიხედვით დადგინდა, რომ მან არათუ არ იცოდა ამ კანონის შესახებ, არამედ წარსულში რამდენჯერმე ჰქონდა მოგებული თანხიდან გადასახადი გადახდილი. გარდა ამისა, სასამართლომ მიუღებლად ჩათვალა ის ფაქტი, რომ მოთამაშემ, რომელიც 9 წლის გნამავლობაში რეგულარულად თამაშობდა პოკერს და $1.000.000 დოლარზე მეტი მოგება მიიღო, არ სცოდნოდა მსგავსი კანონის არსებობის შესახებ.

დრაგან კოსტიცს არამხოლოდ 18 თვიანი პატიმრობა, არამედ €400.000 ევროს ოდენობის ჯარიმაც დაეკისრა, რაც საერთო ჯამში მის ვალდებულებებს €628.000 ევრომდე ზრდის.