სანამ ცნობილი მოთამაშეები და ჰაი სტეიკს რეგულარები აზარტული სამყაროს მექაში მიმდინარე WSOP-ის ფესტივალს ესწრებიან, ვიქტორ ბლომი დროს ნაყოფიერად იყენებს. ორი კვირის განმავლობაში მისმა აფსვინგმა $1.000.000 დოლარს გადააჭარბა. შვედი მოთამაშის მოგება, ძირითადად, 8-გეიმსის მაგიდებზე მოდის, მაგრამ ისიც უნდა ითქვას, რომ 29 მაისიდან 10 ივნისამდე, PokerStars-ზე მიმდინარე ქეშ-გეიმ სესიებზე, მან პოტ-ლიმიტ ომაჰას და თრიფლ დროუს ყველაზე მომგებიანი მოთამაშის სტატუსი მოიპოვა. 

ვიქტორ ბლომის ისტორიული მეტოქე, ტომ დუანი, რომელიც ამჟამად მაკაუში იმყოფება და არნახულად ძვირადღირებულ თამაშებში მონაწილეობს, ამჯერად გერმანელმა პროფესიონალმა, მეტსახელად RaulGonzales-მა შეცვალა. წყვილმა რამდენიმედღიანი მარათონი მოაწყო, რომლის დროსაც დღეში 12 საათიან სესიებსაც კი მართავდნენ. გამარჯვებული შვედი მოთამაშე გამოვიდა, რომელმაც გერმანელისგან დაახლოებით $630.000 დოლარამდე მოიგო.

გასული 2 კვირის ამბავს ისიც დაემატა, რომ HighStakesDB-ის ინფორმაციით, გუშინდელი სესიის დროს კი, ვიქტორ ბლომმა RaulGonzales-ისგან კიდევ $278.213 დოლარის მოგება შეძლო - კვლავ 8-გეიმსის მაგიდებზე. ამ მომენტისთვის, ვიქტორ ბლომი, 2017 წლის მონაცემებით, PokerStars-ის ყველაზე მომგებიანი მოთამაშეა, რომლის მოგება დაახლოებით $1.300.000 დოლარს შეადგენს. მეორე ადგილზე რუსი ტიმოფეი Trueteller კუზნეცოვია, $972.725 დოლარით; მესამე ადგილს კი BERRI SWEET ინარჩუნებს, რომლის წლევანდელმა მოგებამ $563.685 დოლარი შეადგინა.