ონლაინ გემბლინგის მოყვარულთათვის სასიამოვნო სიახლეა: პარასკევს, მსოფლიოს უდიდესი პოკერ-რუმის ონლაინ ტოტალიზატორმა - BetStars-მა ოფიციალურად დაიწყო ფუნქციონირება. 'პოკერსტარსის' ახალ პროდუქტზე წვდომა 3 დომეინზე იქნება შესაძლებელი: betstars.com; betstars.eu; betstars.uk. მისი გამოყენება iOS-ისა და ანდროიდის მომხმარებლებისთვისაც იქნება შესაძლებელი.

2016 წლის პირველ ნახევარში, 'ბეტსტარსი' უცხოურ ბაზარზე შესვლასა და იმ მომხმარებლის მოზიდვას შეეცდება, რომელიც აქამდე 'პოკერსტარსის' მომხმარებელიც კი არ ყოფილა. "მოხარულები ვართ BetStars-ის გახსნით, - ამბობს Rational Group-ის აღმასრულებელი დირექტორი, რაფი აშკენაზი, - გვჯერა, რომ 2016 წლის განმავლობაში, ჩვენი საიტი, ყველაზე აქტუალური და მოთხოვნადი სერვისი იქნება ონლაინ ტოტალიზატორებს შორის. ჩვენი მომხმარებლისთვის უამრავი ისეთი პროდუქტის შეთავაზებას ვგეგმავთ, რომელიც კონკურენტებისგან გამოგვყოფს და ჩვეულებრივ ბეთინგ საიტზე მეტ მნიშვნელობას შეგვძენს. 'პოკერსტარსის' მსგავსად, ჩვენი მიზანია მომხმარებლებისათვის უსაფრთო, სანდო და რაც მთავარია - კომფორტული გარემოს შექმნა."

დასაწყისისთვის BetStars-ზე სპორტის 25-ზე მეტი სახეობა იქნება, მათ შორის, რა თქმა უნდა, ფეხბურთი. აღსანიშნავია, რომ საიტი, მომხმარებელს, პოკერის თამაშებზე ფსონების გაკეთების საშუალებასაც აძლევს. ამჟამად, BetStars დიდი ბრიტანეთის იურისდიქციაში მყოფი ქვეყნების მოთამაშეებისთვისაა ხელმისაწვდომი. 2016 წლის ბოლოსთვის კი, საიტი, 'პოკერსტარსის' მომხმარებელთა საერთო რაოდენობის მინიმმუმ ნახევრის დაფარვას გეგმავს. როგორც ირკვევა, BetStars-ის მომხმარებელს პოკერისთვის, ტოტალიზატორისა და კაზინოს თამაშებისთვის, საერთო საფულე ექნება, რაც საიტის გამოყენებას კიდევ უფრო კომფორტულს გახდის. 

"ჩვენ იგივე პრინციპებითა და ფასეულობებით ვხელმძღვანელობთ, რომლითაც 'პოკერსტარსმა' ასეთ წარმატებას მიაღწია, - აცხადებდა 2014 წლის ბოლოსთვის 'პოკერსტარსის' საკომუნიკაციო განყოფილების უფროსი, ერიკ ჰოლრეიზერი, - ახალი პროდუქტი, რომელსაც ჩვენ ვქმნით, ხელს შეუწყობს როგორც კომპანიის ზრდასა და განვითარებას, ასევე თავად პოკერის ინდუსტრიას და მოთამაშეებს." იმ პერიოდისთვის, Amaya Inc. ონლაინ ტოტალიზატორის ექსპლოატაციაში გაშვებას 2015 წლის დასაწყისისთვის გეგმავდა. მართლაც, პირველი ფსონები მიმდინარე წლის ზაფხულში გაკეთდა, მაგრამ საიტის საბოლოო გაშვება მაინც გაჭიანურდა.