პოკერის დიდების დარბაზში მყოფმა ერიკ საიდელმა ისევ შეძლო ამის გაკეთება. თუმცა ადამიანისგან, რომელის კარიერა აქამდე $22 მილიონ დოლარს ითვლის, მხოლოდ ტურნირებში, ეს ამბავი მოსალოდნელიც იყო. 55 წლის ამერიკელმა პროფესიონალმა 59 მონაწილეს აჯობა და ფინალურ ჰედს-აპზე 19 წლის პოლოლნელი ვარსკლავი, დიმიტრი ურბანოვიჩი დაამარცხა. მიღებული $2.250.999 დოლარით მისი კარიერული მოგება $24.063.722 დოლარამდე გაიზარდა, რითიც უკან ჩამოიტოვა ფილ აივი და დენიელ კოლმანი. საიდელს ამჟამად სატურნირო მოგებებში, $26.1 მილიონი დოლარით - ანტონფიო ესფანდიარი და $29.8 მილიონი დოლარით - დენიელ ნეგრანუ უსწრებენ. 

ტურნირის მოგებამ, დიდებასთან და ფულთან ერთად, საიდელს 'ქარდ ფლეიერის' 600 ქულაც მოუტანა, რის მიხედვითაც ყოველწლიურად მსოფლიოს საუკეთესო მოთამაშე ვლინდება. მან წელს არამხოლოდ EPT, არამედ $25.000 დოლარიანი ბაი ინის მქონე ჰაიროლერ ტურნირი მოიგო 'არიაში'. მიმდინარე წელს საიდელმა 5 ფინალური მაგიდა ითამაშა, აქედან ორი სუპერ ჰაიროლერი $100.000 და $250.000 დოლარიანი ტურნირები Aussie Millions-ზე. 2015 წლის მთლიანი შემოსავალი, საიდელისთვის, $3.250.266 დოლარს შეადგენს, რითიც ის წლის საუკეთესო მოთამაშეების ჩარტში მეჩვიდმეტე ადგილზე იმყოფება. 

რაც შეეხება EPT-ის სუპერ ჰაიროლერს: 8 მოთამაშიან ფინალურ მაგიდაზე საიდელი, ჩიპების რაოდენობით, მეხუთე იყო. მას ისეთი ოპონენტები ჰყავდა, როგორებიც არიან: სკოტ სივერი, იგორ კურგანოვი და მაქს ალტერგოტი. თუმცა ამერიკელმა მოთამაშემ ამ ძლიერ ლაინ აფს გაუძლო და 94 დარიგებიანი ჰედს-აპში დიმიტრი ურბანოვიჩიც დაამარცხა. 

ფინალური ხელის დარიგებამდე, ჩიპების რაოდენობით, საიდელს დიდი უპირატესობა ჰქონდა. ფინალურ დარიგებაზე კი ურბანოვიჩმა K9-ით ლიმპი (300.000 ჩიპი) ითამაშა, საიდელმა კი TT-ით 900.000-მდე გაზარდა. ოპონენტის აგრესიაზე, ურბანოვიჩმა ოლ ინი ითამაშა, რაზეც საიდელი მომენტალურად დათანხმდა და Q8237 ბორდით გამარჯვებულის ტიტული მოიპოვა. 

ფინალურ ჰედს-აპ თამაშისთვის ურბანოვიჩმა წლის მოთამაშის 500 ქულა მიიღო. ეს მისი მერვე ფინალური მაგიდა იყო 2015 წლისთვის, საიდანც ოთხი მათგანი პოლონელმა მოიგო. 

2015 წლის წლის მოთამაშის ჩარტი ასე გამოიყურება