რამდენიმე წლიანი მოლოდინის შემდეგ ბოლოს და ბოლოს ეკრანებზე გამოვა, პოკერის შესახებ გადაღებული ყველა დროის ერთ-ერთი საუკეთესო ფილმის "შულერები"-ს გაგრძელება. ფილმი ჯერ ჯერობით დამზადების საწყის სტადიაშია და მისი ეკრანებზე გამოსვლა 2012 წელს იგეგმება.

ფილმის ორიგინალი "შულერები"-"Rounders" (1998) ედვარდ ნორტონის, მეტ დეიმონისა და ჯონ მალკოვიჩის მონაწილეობით, ითვლება საუკეთესო ფილმად პოკერის შესახებ, მთელი კინოისტორიის მანძილზე. ამ ფილმის წყალობით უამრავი წარმატებული მოთამაშე დაინტერესდა პოკერით და აქტიურად დაიწყო თამაში.

ჭორები ახალი ფილმის გამოსვლის შესახებ წლებია რაც ვრცელდება, ინტერნეტში სავარაუდო სცენარებიც განიხილებოდა, მაგრამ არცერთი ჭორი არ დადასტურდა და შესაბამისად ფილმის რეალიზებამდე საქმე არ მისულა.

"შულერები 2" - ჭორი აღარ არის

ამჟამად ცნობილია, რომ ფილმის შექმნა ნამდვილად დაიწყო, საპროდუსერო ცენტრებმა "The Weinstein Company" და "Miramax"-მა ხელი მოაწერეს შეთანხმებას "შულერები"-ის გაგრძელების გადაღების შესახებ.

ოფიციალური განცხადების გარდა, რომელშიც ნათქვამია რომ ფილმი 2012 წელს გამოვა, ცოტა რამ არის ცნობილი. მეტ დეიმონის ბოლო ინტერვიუში მხოლოდ ის არის ნათქვამი, რომ ისიც და ორგინალში მონაწილე მსახიობების უმეტესობაც ფილმის გაგრძელებაშიც მიიღებენ მონაწილეობას.

დაველოდოთ ფილმის გამოსვლას, ჩვენ აუცილებლად შეგატყობინებთ პრემიერის შესახებ.