ურუგვაიში გამართული PartyPoker-ის Live MILLIONS South America-ის ფარგლებში, $10.300 დოლარიანი High Roller Finale გაიმართა, რომლის გამარჯვებულიც კოლუმბიელი ფარიდ ჯატინი გახდა. 

ჯატინისთვის 2020 წელი განსაკუთრებულად წარმატებული გამოდგა: ის უკვე იკავებდა ყველაზე მომგებიანი კოლუმბიელი მოთამაშის სტატუსს, მაგრამ Australian Poker Open-ზე მან 4-ჯერ მოახერხა ფულში შესვლა, საიდანაც ერთ-ერთი $195.000 დოლარად შეფასებული პოტ-ლიმიტ ომაჰა ტურნირის პირველი ადგილი იყო. Aussie Millions-ის $25.000 დოლარიან ტურნირზე კი ჯატინმა $678.831 დოლარი მოაგროვა. 

რაც შეეხება ურუგვაიში მდებარე პუნტა დელ ესტეს ულამაზეს კურორტზე გამართულ PartyPoker Live MILLIONS-ის დასკვნით ტურნირს: ჯატინმა გამარჯვება 84 ენტრანტს შორის მოახერხა და პირველი ადგილისთვის $200.000 დოლარი მიიღო. 12 ფინალისტს შორის, რომლებმაც ფულადი ჯილდოები გაინაღდეს, ჯეკ სინკლერი, კევინ მაკფი და მაიკ დელ ვეკიო მოხვდნენ. რა თქმა უნდა, ღონისძიებამ ადგილობრივი გემბლერები მიიზიდა. ფინალური მაგიდაც, უმეტესად, ბრაზილიელი, არგენტინელი და სამხრეთ ამერიკული ქვეყნების წარმომადგენლებით იყო დაკომლექტებული.