Jeans89, რეალურად კი - იენს კილონენი, ფინელი მოთამაშეა, რომელმაც 2010-იან წლებში, როცა ონლაინ პოკერი წარმოუდგენლად პოპულარული იყო, მილიონობით დოლარი მოიგო. 20 წლის ასაკში ის კოპენჰაგენში გამართული EPT-ის ჩემპიონი და $1 მილიონი დოლარის მფლობელი გახდა. მას შემდეგ, მას უკან არასდროს დაუხევია. 

EPT-ზე ნანახი წარმატების შემდეგ, მან Full Tilt Poker-სა და PokerStars-ზე დაიწყო თამაში. თავდაპირველად, მან ულიმიტო ჰოლდემით დაიწყო, მოგვიანებით კი პოტ-ლიმიტ ომაჰაზე გადაერთო. აქტიური ონლაინ პოკერის პირველივე წელს, კილონენმა $1 მილიონი დოლარი მოაგროვა. შემდეგ წლებში კი, $6 მილიონამდე დოლარის მოგება შეძლო. ის ქეშ-გეიმებს ისეთი სახელების წინააღმდეგ თამაშობდა, როგორებიც ვიქტორ Isildur1 ბლომი, ფილ MrSweets28 გალფონდი და დი Urindanger დანგი არიან. 

წარმატების მოპოვების შემდეგ, კილონენმა საკუთარი თამაშის საიდუმლო განიზრახა, მაგრამ ონლაინ პოკერის განვითარებისა და ინტერნეტში სულ უფრო მეტი ინფორმაციის გამოჩენის შემდეგ, შემოსავლების დივერსიფიკაცია გადაწყვიტა და შემოსავლის ძიება პოკერის გარეთ დაიწყო: "ვხვდებოდი, რომ სხვებთან შედარებით, ძალიან წინ ვიყავი. სისულელე იქნებოდა, იმ ყველაფრის ახსნა, რასაც მე ვაკეთებდი. დღესდღეობით კი, ონლაინ სამყაროში იმდენი კარგი მოთამაშეა, იმდენ ვიდეო გაკვეთილებს იღებენ და თეორიის შესახებ იმდენს საუბრობენ, რომ სიტუაცია საგრძნობლად შეიცვალა. ცოტა ხნის წინ, დიდი სახლის ყიდვა გადავწყვიტე. ფინეთში, ეს ერთ-ერთი საუკეთესო და ერთ-ერთი ყველაზე ძვირადღირებული სახლია. მის შესაძენად თითქმის მთლიანი ბანკროლის დახარჯვა დამჭირდებოდა. მივხვდი, რომ ამ მომენტისთვის ასეთი სახლის ყიდვა საუკეთესო გადაწყვეტილება არ იქნებოდა. გარდა ამისა, მივხვდი, რომ დამატებითი შემოსავალი იყო საჭირო."

2012 წელს, იენს კილონენმა, $160.000 დოლარად, Virgin Galactic-ისგან კოსმოსური მოგზაურობის ბილეთი იყიდა: "კოსმოსით ყოველთვის დაინტერესებული ვიყავი. ახლა კი, შესაძლებლობა მაქვს, იმ ადამიანებს შორის აღმოვჩნდე, ვინც დედამიწის გარეთ სამოგზაუროდ წავლენ." მოგვიანებით, კილონენმა გადაწყვეტილება შეიცვალა, რადგან, მისივე განმარტებით, კომპანიის მიერ შემოთავაზებული მოგზაურობა 'არაპროფესიონალურად' გამოიყურებოდა. 

რამდენიმე წლის წინ, კილონენმა განაცხადა, რომ ონლაინ გრაინდინგი მოსაბეზრებელი გახდა და რომ ღამის სესიები განსაკუთრებით შეუსაბამო იყო ნორმალური და ჯანსაღი ცხოვრების სტილთან. 2017 წელს, მან ოფიციალურად გამოაცხადა, რომ დიდი პოკერიდან მიდიოდა. იმავე წელს, ის ჰელსინკის Hanken School of Economics-ის სტუდენტი გახდა, სადაც ფინანსების კურსი გაიარა. დღედღეობით, იენს კილონენი ონლაინ პოკერისგან თავს შორს იჭერს და, გარკვეული პერიოდულობით, მხოლოდ ლაივ ტურნირებზე თუ გამოჩნდება.