ძვირადღირებული ტურნირები სულ უფრო მეტ პოპულარობას იძენენ. WSOP, WPT, PartyPoker და კიდევ სხვა არაერთი სატურნირო ფესტივალი პოკერის გულშემატკივრებსა და მოთამაშეებს სულ უფრო ხშირად სთავაზობენ ტურნირებს, რომელთა ბაი-ინებიც $50.000 დოლარიდან იწყება. 

წლევანდელი ჰაი სტეიკს პოკერის სატურნირო სესიები სამხრეთ კორეაში დაიწყება - ჯეჯუში ლეგენდარული Triton Super High Roller ბრუნდება. აზიური პოკერის ფესტივალზე ყველა ტურნირის თამაშს თუ გადაწყვეტთ, HK$5.850.000 ჰონგკონგური დოლარი დაგიჯდებათ, რაც დაახლოებით $752.000 აშშ დოლარია. 

რა თქმა უნდა, სერიების ჰედლაინერი HK$1.000.000-იანი Triton Main Event იქნება, რომლის წინა წლის გამარჯვებულიც ტიმოფეი კუზნეცოვი იყო, $1.859.970 დოლარიანი ანაზღაურებით პირველი ადგილისთვის. 2018 წელს, იგივე ტურნირი სტივენ ჩედვიკმა მოიგო, $1.128.685 დოლარით პირველი ადგილისთვის. აშკარაა, რომ ყოველ წელს ასეთი სახის ტურნირებზე მოთხოვნა იზრდება. 

წლევანდელი ფესტივალი სტარტს 10 თებერვალს აიღებს და 12 ივენთს გააერთიანებს. ქვემოთ მითითებულ ბმულზე, 2020 წლის Triton High Roller-ის თრეილერი შეგიძლიათ ნახოთ: