როგორც წესი, ჰაი სტეიკს პოკერის ლეგენდისგან წარმატების ისტორიები და პოზიტიური ამბები ისმის, მაგრამ არა ყოველთვის. ცოტა ხნის წინ, ფილ გალფონდმა 'ტვიტერზე' ძველი შეცდომები გაიხსენა: "$90.000 დოლარით $50/$100-ზე ვთამაშობდი. მაშინ $45.000 დავკარგე. $800.000 დოლარით კი $300/$600-ზე ვიყავი, რის გამოც $400.000 წავაგე."

34 წლის მოთამაშე სხვა დამწყებ გემბლერებს და პოკერის მოყვარულებს ბანკროლ მენეჯმენტის მნიშვნელობაზე აფრთხილებს და მაგალითად საკუთარი გამოცდილება მოჰყავს. გალფონდის განმარტებით, მის მიერ მოყვანილი მაგალითები მხოლოდ ერთ მიზანს ემსახურებოდა: მოთამაშეებს მეტი ყურადღება დაეთმოთ ბანკროლისთვის და მკაცრად გაეკონტროლებინათ თავიანთი შესაძლებლობები. 

"ყოველი ჩავარდნის შემდეგ, გონებაში დიდი გადატვირთვა მჭირდებოდა, რომ დაბალ ლიმიტზე ჩავსულიყავი. ცდუნებას რომ ავყოლოდი, ჩემი კარიერა მალევე დასრულდებოდა."

უცნობია, თუ რომელ პერიოდზე საუბრობს Run It Once-ის დამფუძნებელი. სავარაუდოდ, მისი მონათხრობი კრის მანიმეიქერის შემდგომ ეპოქას ეხება, როცა ამერიკაში პოკერის ბუმი დაიწყო.