პოკერი ისეთ ქვეყნებს აერთიანებს, რომლებსაც ერთმანეთისგან სრულიად განსხვავებული კულტურები აქვთ. ისეთ კონსერვატულ ქვეყანაში, როგორიც მაროკოა, WPT-ის სატურნირო სერიები გაიმართა. როგორც წესი, მედიის ყურადღების ცენტრში ის ღონისძიებები ექცევა, რომელთაც ასტრონომიული ბაი-ინები აქვთ. მიუხედავად იმისა, რომ მარაკეშში გამართული WPT-ის DeepStack ტურნირის საფასური მნიშვნელოვნად არ გამოირჩეოდა, მან მედიის ყურადღება მაინც დაიმსახურა. 

გამარჯვებულისთვის 1.000.000 მაროკოული დირჰამი იყო დაწესებული, რაც €103.184 ევროს ექვივალენტია. მარაკეშში WPT-ის ტურნირზე დასასწრებად 545 მოთამაშე ჩავიდა, მათ შორის იყვნენ ფრანგული პოკერის ამომავალი ვარსკვლავი - ბრუნო ფიტუსი და გასული წლის ჩემპიონი - ფრანსუა ტოსკე. აღსანიშნავია, რომ ფინალური მაგიდის 9 მონაწილიდან 6 ფრანგი მოთამაშე იყო. 

ფრანგული დესანტის მიუხედავად, ტურნირის გამარჯვებული ესპანელი ალეჰანდრო რომანი გახდა, რომელმაც ფინალურ ჰედს-აპში 'დესანტის' ერთ-ერთი წევრი - სილმა მაკალუ დაამარცხა და €103.184 ევროს მფლობელი გახდა.