WSOP-ის $10.000 დოლარიანი მეინ ივენთის ჩატარებამდე, რომელსაც მთელი პოკერის სამყარო მოუთმენლად ელოდება, მინი მეინ ივენთი გაიმართა, რომლის ბაი-ინიც $1.000 დოლარით იყო განსაზღვრული. როგორც მოსალოდნელი იყო, ტურნირზე ათასობით მოთამაშე დარეგისტრირდა. ჯამში, ენტრანტების რაოდენობამ 5.521 შეადგინა. 

$4.968.900 დოლარიანი საპრიზო ფონდი პირველ 829 მოთამაშეზე გადანაწილდა. როგორც წესი, ფინალური მაგიდის მონაწილეთა უმეტესობა ამერიკელია. ამჯერად, ფინალური მაგიდა მულტინაციონალური აღმოჩნდა - მასზე აშშ-ის მხოლოდ 3 წარმომადგენელი იჯდა. 

ტურნირის გამარჯვებული ფრანგი პროფესიონალი მოთამაშე, ჯერემი სადერნი გახდა, რომელმაც სახლში $628.654 დოლარი წაიღო. მისი ჰედს-აპ მეტოქე ამერიკელი ქალი მოთამაშე, ლულა ტეილორი იყო. "ვერც კი ვიჯერებ, რომ 5.000-ზე მეტ მოთამაშეს შორის სწორედ მე გავხდი გამარჯვებული, - ყვება ფრანგი, - საოცრად მიმართლებდა. ბოლო რამდენიმე დარიგებაში ორჯერ მომივიდა AA."

ეს ერთ-ერთი უიშვიათესი შემთხვევა იყო, როდესაც ფინალურ მაგიდასთან ქალი მოთამაშე იმყოფება. ლულა ტეილორმა წარმოუდგენლად აგრესიული პოკერი აჩვენა და ოპონენტებს რეალური პრობლემები შეუქმნა. "მაგიდასთან მასთან თამაში ძალიან სახალისოა, - ამბობს სადერნი, - ჩემ მიმართ ძალიან თბილი იყო. ისიც კი მითხრა, რომ შვილადაც მიმიღებდა. მიუხედავად ამისა, მისი თამაში ძალიან აგრესიული იყო."

ფინალურ მაგიდაზე საპრიზო ადგილები ასე გადანაწილდა: