როგორც წესი, ფილ ჰელმუტი იმდენადაა კონცენტრირებული WSOP-ის საზაფხულო სერიებზე, რომ მხოლოდ რამდენიმე უმნიშვნელო ივენთს თუ გამოტოვებს ხოლმე. წელს კი ყველაფერი სხვაგვარადაა: ფილ ჰელმუტი კიდევ უფრო მეტი ივენთის თამაშს და 3 ოქროს სამაჯურის მოგებას გეგმავდა, ახლა კი პერუში, მაჩუ პიკჩუს დასათვალიერებლად მიემგზავრება. 

როგორც 15 სამაჯურის მფლობელი ამბობს, ასეთ შესაძლებლობას ხელიდან ვერ გაუშვებდა: სამუგზაუროდ ის პრივატული თვითმფრინავით, Golden State Warriors-ისა და Los Angeles Dodgers-ის მფლობელთან, პიტერ გრაბერთან ერთად მიემგზავრება. 

პოკერის ბევრმა გულშემატკივარმა გამოთქვა უკმაყოფილება ჰელმუტის მოულოდნელი შვებულების გამო. როგორც ისინი ამბობენ, მათი Fantasy Sports-ის ქულები, რაც WSOP-ის მსვლელობაზე იყო დამოკიდებული, მნიშვნელოვნად დაზარალდებიან. 

კიდევ ერთი მნიშვნელოვანი მოვლენა, რომელიც ჰელმუტმა გამოტოვა, First Fifty Honors-ის დაჯილდოების ცერემონიაა, სადაც პოკერის უამრავი სახე იყო წარმოდგენილი. სპეციალური პრიზები ისეთმა მოთამაშეებმა მიიღეს, როგორებიც კრის მანიმეიქერი, დენიელ ნეგრანუ და დოილ ბრანსონი არიან. WSOP-ის საუკეთესო "ცუდი ბიჭის" ტიტული კი თავად ფილ ჰელმუტს ხვდა წილად, რომელიც არსად ჩანდა.