WSOP-ის 58-ე ივენთზე, $50.000 დოლარიან Poker Players Championship-ზე ფილ აივის საოცარი ორი დღე ჰქონდა: მან ყველა მნიშვნელოვანი დარიგება მოიგო და 12 მონაწილეს შორის ჩიპლიდერის სტატუსი ბოლომდე შეინარჩუნა.  

აივის გამოჩენას წლევანდელ WSOP-ზე განსაკუთრებით ელოდნენ. როგორც ჩანს, ლეგენდარულ მოთამაშეს მე-11 ოქროს სამაჯურის მოგების რეალური შანსი ეძლევა. აღსანიშნავია, რომ $50.000 Poker Players Championship-ზე აივი მე-5 წელია ფულში შესვლას ახერხებს. 

$50.000 დოლარის გადახდა ერთ ტურნირში ადვილი საქმე არაა. როგორც წესი, Poker Players Championship-ზე საუკეთესო მოთამაშეები რეგისტრირდებიან. გამონაკლისი არც წლევანდელი ტურნირია: 12 მონაწილიდან, ფილ აივის მაგიდაზე დენიელ ქეითსი, თალალ შაკერჩი და WSOP-ის 2018 წლის საუკეთესო მოთამაშე - შონ დიბი მოხვდნენ. დარჩენილი 12 მოთამაშე, საერთო ჯამში, 22 ოქროს სამაჯურს ფლობს. 

ტურნირის მესამე დღეს, თამაშს ისეთი სახელები გამოეთიშნენ, როგორებიც ფილ გალფონდი, ბრაიან ჰასტინგსი, ჯეისონ მერსიერი და ჯონ ჰენიგანი არიან. პირველი ადგილისთვის დაწესებული ანაზღაურება $1.099.311 დოლარს შეადგენს.