ლეგენდარულმა მოთამაშემ, მაიკლ მიზრაქიმ, WOSP-ის 27-ე ღონისძიებაზე - $1.500 დოლარიან Stud Hi-Lo-ზე 460 მონაწილიანი ფილდის დამარცხება და მე-5 ოქროს სამაჯურის მოგება შეძლო. $142.801-იანი ანაზღაურებით, მისი საერთო სატურნირო შემოსავალი $17.172.436 დოლარამდე გაიზარდა.  

"ვფიქრობ, გარკვეულ მომენტებში, სხვა მოთამაშეებთან გარკვეული უპირატესობა მქონდა, - ყვება მიზრაქი, - სიტუაციებში, როცა ისინი თამაშს არ აპირებდნენ, განსაკუთრებით აგრესიული ვხდებოდი. შედეგად უამრავი ბლაინდისა და ანტეს მოგროვება შევძელი."

ფინალური მაგიდა მიზრაქიმ ჩიპლიდით დაიწყო, მაგრამ ეს სტატუსი მას შემდეგ დაკარგა, რაც რობერტ გრეიმ იან შტაინი მე-5 ადგილიდან გამოთიშა თამაშს და მთელი მისი სტეკი მიისაკუთრა. მიზრაქის ფინალური მეტოქეც სწორედ რობერტ გრეი აღმოჩნდა.  მისი სატურნირო კარიერა საკმაოდ მოკრძალებულია: $25.000 დოლარიანი საერთო შემოსავალი, მნიშვნელოვანი ტიტულების გარეშე. ჰედს-აპში გამოცდილებამ თავისი გაიტანა - მაიკლ მიზრაქი WSOP-ის მე-5 სამაჯურის მფლობელი გახდა.