უკვე 50 წელია, რაც WSOP-ის სერიები ლაივ პოკერის გიგანტის როლში გვევლინება. WSOP-ზე გამართული ონლაინ ტურნირი აშკარა მაგალითია იმისა, თუ რამხელა როლს ასრულებს ინტერნეტი თანამედროვე პოკერის ეკოსისტემაში.

ონლაინ ღონისძიება, რომლის ბაი-ინიც $3.200 დოლარს შეადგენდა, პოკერის სერიებზე უკვე მეორედ გაიმართა. მასზე 480 მონაწილე დარეგისტრირდა, მაგრამ 124 რე-ბაის შემდეგ, საპრიზო ფონდმა $1.5 მილიონ დოლარს მიაღწია. რა თქმა უნდა, ლაივ ტურნირთან შედარებით, ივენთი ძალიან სწრაფი ტემპით წარიმართა და მის დასრულებას სულ რაღაც 12 საათი დასჭირდა. ტურნირის გამარჯვებული ჩენს კორნუთი გახდა, რომელმაც პირველი ადგილისთვის $341.598 დოლარი მიიღო. 

მეორე მნიშვნელოვანი ტურნირი, რომელიც გუშინ დასრულდა, $50.000 დოლარიანი ჰაი როლერი იყო. ამჯერად, როგორც ძვირადღირებული ტურნირების შემთხვევაში ხდება, მონაწილეების რიცხვი გაცილებით დაბალი იყო. 3 დღიანი მძიმე ბრძოლის შემდეგ, 110 მოთამაშიდან ფინალურ მაგიდას 6 მათგანი შემორჩა: WSOP-ის ოქროს სამაჯურის 5 მფლობელი და ბრიტანელი ბენ ჰითი. ფინალური მაგიდის ლაინ-აფი მართლაც მძიმე აღმოჩნდა: ენდრიუ ლიჰტენბერგერი, სემ სოვერელი, ნიკ პეტრანგელო და ჩენს კორნუთი. 

მიუხედავად იმისა, რომ ჰითის ანგარიშზე არცერთი სამაჯური არ არის, მას ჰაი როლერ ტურნირებზე ძალიან დიდი გამოცდილება აქვს ადგროვილი. სწორედ ეს გახდა მიზეზი იმისა, რომ ჰითმა ფინალური მაგიდა მასიური ჩიპლიდით დაიწყო და უკან ერთხელაც არ დაუხევია. როგორც ბრიტანელი ამბობს, WSOP-ის ოქროს სამაჯურის მოგება გაცილებით სასიამოვნო აღმოჩნდა, ვიდრე ნებისმიერი ჰაი როლერ ტურნირისა. ისიც უნდა ითქვას, რომ ანაზღაურება - $1.484.085 დოლარი დიდად არ ჩამოუვარდებოდა ჰაი როლერ ივენთების პირველი ადგილის ფულს.