რამდენიმეწლიანი პაუზის შემდეგ, 2018 წელს, დენიელ ნეგრანუმ და ამანდა ლიტერმანმა სასიყვარულო კავშირი აღადგინეს. კანადელმა პროფესიონალმა მოთამაშემ და PokerNews-ის კორესპონდენტმა ერთმანეთი 2010 წელს გაიცნეს და მას შემდეგ ერთმანეთს აქტიურად ხვდებოდნენ. რამდენიმე საათის წინ კი, წყვილმა ჯვარი დაიწერა.

ქორწილში დევიდ უილიამსს, ფილ ჰელმუტს, ანტონიო ესფანდიარის, დევიდ ბენიამინს, ჯეფ მედსენს, მარია ჰოსა და დევიდ ოპენჰაიმს ნახავდით. 

რა თქმა უნდა, ცერემონია, რომელშიც დენიელ ნეგრანუ მონაწილეობს, ექსესების გარეშე ვერ ჩაივლიდა: კალიფორნიაში ჩაფრენის შემდეგ, PokerStars-ის სახემ აღმოაჩინა, რომ ქორწილის ერთ-ერთი ყველაზე მნიშვნელოვანი ატრიბუტი - საქორწინო ბეჭედი თან არ ჰქონდა. "დიდი არაფერი, ბეჭედს რამეს მოვუხერხებთ" - 'ტვიტერის' პოსტში ნეგრანუ საკუთარ თავს და პუბლიკას ამშვიდებდა. 

რაც შეეხება მენიუს: გასაკვირი არაა, რომ ორი ვეგანის ქორწილში სტეიკს ვერ დააგემოვნებდით. სტუმრებისთვის მენიუ წინასწარ იყო შედგენილი და მასში მხოლოდ ბოსტნეულისგან მომზადებული სალათები და პასტები შევიდა. დესერტად სტუმრებს შოკოლადის ჩიზქეიქი და ქოქოსისა და კარამელის ბრაუნი მიართვეს.