როგორც ამბობენ, ბრიტანული პოკერი დღევანდელ მასშტაბებს დეივ ულიოტის გარეშე ვერასდროს მიაღწევდა. ცოტა ხნის წინ PartyPoker-მა ლეგენდარული ინგლისელი მოთამაშეზე გადაღებული სრულმეტრაჟიანი ფილმი გამოაქვეყნა. 

ფილმი, რომლის სპონსორებიც PartyPoker Live და ლონდონური კაზინო Dusk Till Dawn არიან, რეჟისორმა მარკ რიკსმა გადაიღო. მასში. ულიოტის ცხოვრების აქამდე უცნობი დეტალებია მოთხრობილი. ფილმში ისეთ მოთამაშეებს ნახავთ, როგორებიც ვორენ ლაში, ჯონ დუტი, მარსელ ლუსკი და Dusk Till Dawn-ის მფლობელი, რობ იონგი არიან. გარდა ცნობილი გემბლერებისა, კომენტარების მოსმენა თავად ულიოტის ოჯახის წევრებისა და ნათესავებისგანაცაა შესაძლებელი. როგორც მისი მეგობრები და ნაცნობები იხსენებე, ულიოტს მოწინააღმდეგეების და ადამიანების 'წაკითხვის' არაჩვეულებრივი უნარი ჰქონდა. მისი ლაივ ტურნირების კარიერა $6.2 მილიონ დოლარს ითვლის, მაგრამ, როგორც წესი, Devilfish ქეშ-გეიმებით იყო ცნობილი. 

ტელევიზიით გაშუქებული თამაშების წყალობით, დეივ ულიოტმა მილიონობით ადამიანის ყურადღება მიიპყრო და პოკერით ისეთი ადამიანები დააინტერესა, რომლებსაც მანამდე კარტებთან არანაირი შეხება არ ჰქონიათ. ფილმში ნახავთ მისი 'დაუძინებელი მტრისა' და დიდი ხნის მეგობრის, ფილ ჰელმუტის წინააღმდეგ ნათამაშებ მძიმე დარიგებებს. დოკუმენტალისტებმა WPT-ის ის კადრებიც გააცოცხლეს, სადაც ულიოტისა და ფილ აივის დაპირისპირებაა აღბეჭდილი. 

მიუხედავად იმისა, რომ დეივ ულიოტს ხმაურიანი იმიჯი მუდამ თან სდევდა, რეალურ ცხოვრებაში ის საკმაოდ მორიდებული და თავდაჭერილი ადამიანი იყო. 8 შვილის მამამ პოკერის კარიერა პატარა ნაბიჯებით, ქალაქ კინგსტონში დაიწყო და უდიდეს სიმაღლეებს მიაღწია. მისი ცხოვრების გარკვეული პერიოდი ინგლისის კრიმინალურ ბანდებთანაც იყო დაკავშირებული. მას წარმოუდგენლად მრავალფეროვანი ცხოვრება ჰქონდა. სიმსივნესთან რამდენიმეწლიანი ბრძოლის შემდეგ, 2015-ში, დეივ ულიოტი 61 წლის ასაკში გარდაიცვალა.