"ეს დიდი პატივია" - პირველი წინადადება, რაც ჩინო რიმმა ტურნირის შემდეგ თქვა. 38 წლის მოთამაშემ  Atlantis Resort-ში გამართული PokerStars Caribbean Adventur-ის (PCA)  $10.300 დოლარიანი მეინ ივენთი მოიგო, $1.567.000 დოლარიანი ანაზღაურებით პირველი ადგილისთვის. 

ფინალური მაგიდის ყოველი მონაწილე, ჩინო რიმის კარტს ემსხვერპლა. მან მიყოლებით გამოთიშა თითოეული მოთამაშე, მაგრამ ამის მიუხედავად, თავმდაბლობის შენარჩუნება მაინც მოახერხა: "ეს დიდი პატივია. მადლობელი ვარ, რომ თუნდაც ამ ტურნირზე დასწრების შესაძლებლობა და ასეთი ლაინ-აფის წინააღმდეგ თამაშის საშუალება მომეცა." ჩინო რიმმა კარიერაში მე-2 საუკეთესო ანაზღაურება მიიღო, რითიც მისი საერთო სატურნირო შემოსავალი $10 მილიონ დოლარს გადაცდა.

რიმის გარდა, კიდევ ერთი მოთამაშე, ვინც ჟურნალისტების ყურადღება მიიპყრო სკოტ ველენბახი იყო - 67 წლის ბუდისტი ენთუზიასტი, რომელმაც PCA-ის მეინ ივენთის საგზური $500 დოლარიანი სატელიტის მოგებით მოიპოვა. მან მე-3 ადგილზე გასვლა და $671.240 დოლარის მოგება შეძლო, რაც სრულად საქველმოქმედო მიზნებს მოხმარდება. როგორც თავად ამბობს, უკეთესად თამაშიც შეეძლო, მაგრამ არც მე-3 ადგილზე გასვლით დარჩა უკმაყოფილო.