Atlantis Resort & Casino-ში მიმდინარე PokerStars Carribean Adventure-ის $10.300 დოლარიანი მეინ ივენთი გადამწყვეტ ფაზაშია შესული. ტურნირზე 865 მოთამაშიდან მხოლოდ 6 დარჩა. 

ტურნირის მე-4 დღე, რომელიც 20 მოთამაშით დაიწყო, შეიძლება ითქვას, ჩინო რიმის შოუ გამოდგა. მატიას აიბინგერის გამოთიშვის შემდეგ, მან მასიური ჩიპლიდი მოიპოვა. მისი შემდეგი მსხვერპლი ბოლო დღის ყოფილი ჩიპლიდერი, ტომ უინი იყო. რიმის კარტს ემსხვერპლა ასევე ამი ბარერი და კრისტოფ ვოგელსანგი. 

ფინალისტებს $297.020 დოლარი გარანტირებული აქვთ, მაგრამ თვალი ყველას პირველ ადგილზე და $1.567.100 დოლარიან ანაზღაურებაზე უჭირავს. 

ფინალური დღისთვის მისი სტეკი 7.550.000 ჩიპს ითვლის, რომელსაც ონლაინ სატელიტის გამარჯვებული - კანადელი სკოტ ველენბახი მიყვება. პროფესიონალი მოთამაშე, ბრაიან ალტმენი, 4.995.000 ჩიპით მე-3 პოზიციაზეა. ტურნირის შორტ სტეკს, უკრაინელ პაველ ვეკსლერს 2.035.000 ჩიპი აქვს, რაც დაახლოებით 25 ბიგ ბლაინდია. აშკარაა, რომ მოთამაშეებს, ბლაინდებთან მიმართებაში, საკმაოდ სოლიდური სტეკები აქვთ, რაც იმას ნიშნავს, რომ თამაში ხანმოკლე ნამდვილად არ იქნება.