2018 წელი ისტორიის საკუთრებაა. უკანასკნელი კვირის განმავლობაში არცერთი დიდი და მნიშვნელოვანი ტურნირი არ ჩატარებულა, რაც იმას ნიშნავს, რომ ორგანიზატორები მოთამაშეების მოთხოვნას სრულად ითვალისწინებენ, ხოლო მოთამაშეებს დასვენება სჭირდებათ. დამღლელი სატურნირო და ქეშ-გეიმ სესიების შემდეგ, ონლაინ და ლაივ პოკერის გრაინდერებმა თავს უფლება მისცეს პოკერის მაგიდას მოწყვეტოდნენ და ახალი წელი ოჯახის წევრებისა და მეგობრების წრეში აღენიშნათ. 

1998 წლის WSOP-ის მეინ ივენთის ჩემპიონი ჟურნალისტებთან ხშირად აღარ ჩნდება. შეიძლება ეს იმით აიხსნას, რომ სკოტი უინი დიდ არც მასშტაბურ ტურნირებში ღებულობს მონაწილეობას და არც დიდ ქეშ-გეიმებში. რაც მთავარია, ვიეტნამური წარმოშობის მოთამაშეს არაჩვეულებრივი ცხოვრება აქვს. ახალ წელს ის თავის შვილიშვილთან ერთად შეხვდა. 

მასიური სვინგები ჟან-რობერ ბელანის ცხოვრების განუყოფელი ნაწილია. ბელანი ჭეშმარიტი გემბლერის ცხოვრებით ცხოვრობს: ხან კოტრდება, ხანაც ყველაზე ძვირიან სასტუმროებს სტუმრობს, ყველაზე ძვირადღირებული ტურნირების სათამაშოდ. მაგრამ რაც მთავარია, ქალიშვილისთვის საახალწლო განწყობის შექმნაზე აქტიურად ზრუნავს. 

ტომ დუანის ცხოვრება, მისი მეუღლის დამსახურებით, სულ უფრო ხელმისაწვდომი ხდება. ბიანკა როსო არაჩვეულებრივ საქმეს აკეთებს, რაც ჟურნალისტებმა ნამდვილად ვერ მოახერხეს. 

იგორ კურგანოვსა და ლივ ბურეს საკმაოდ დატვირთული გრაფიკი აქვთ, მაგრამ ყოველთვის იცლიან, რათა გულშემატკივრებს მნიშვნელოვანი დღესასწაულები მიულოცონ. 

შეიძლება ითქვას, რომ არავის უხარია 2018 წლის გადაგორება ისე, როგორც უილიამ კასუფს, რომელსაც საოცრად მძიმე, დრამატული და არცისე დადებითი მოვლენებით დატვირთული წელი ჰქონდა. კაზინოში ჩადენილი ქურდობის ბრალდების შემდეგ, მასთან კავშირზე სპონსორებმა უარი თქვას. ამას ისიც დაემატა, რომ პოკერის სამყაროს დიდი ნაწილისგან მის მიმართ არსებული უარყოფითი დამოკიდებულება კიდევ უფრო გაიზარდა. იმედია, ბრიტანელს უკეთესი წელი ექნება. 

დიდი პოკერიდან წასული გრაინდერი, შეიძლება ითქვას, პირობას სრულად ასრულებს და მთელ დროს ოჯახს უთმობს. ჯეისონ მერსიერის ჭეშმარიტი საოჯახო ახალი წელი.