დღეს, როზვადოვში მდებარე King's Casino-ში, WSOPE-ის მე-5 ივენთი, €1.650 ევროიანი შერეული ტურნირის მეორე დღის სესია გაიმართება, სადაც ულიმიდო ჰოლდემსა და პოტ ლიმიტ ომაჰას ითამაშებენ. აღსანიშნავია, რომ ყველაზე იგივე ივენთზე, ყველაზე მეტი - 158 მონაწილე 2009 წელს დარეგისტრირდა. წლევანდელი ღონისძიება კი რეკორდულია. 

ტურნირზე 241 მოთამაშე იყო დარეგისტრირებული, საიდანაც მხოლოდ 42 დარჩა. ღონისძიების 37 მონაწილე სულ მცირე €2.350 ევროიან ანაზღაურებას მიიღებს. პირველი ადგილისთვის კი €86.956 ევროა დაწესებული. ტურნირის ჩიპლიდერი უნგრელი ლასლო ბუტაშია, რომელიც 388.500 ჩიპს ფლობს. მე-2 ადგილზე როლანდ ისრაელიშვილია, 303.000 ჩიპიანი სტეკით. 

სხვა ცნობილი მოთამაშეებიდან, რომლებიც ტოპ პოზიციებს იკავებენ, აღნიშვნას შონ დიბი, ანტონი ზინო, ჯეფ ლისანდრო, კრის ფერგიუსონი და მაქს პესკატორი იმსახურებენ. ჯეფ მედსენი, დაჩ ბოიდი, მარტინ კაბრელი და რაიან რაისი ტურნირს პირველივე  დღეს გამოითიშნენ. დღეს ლეველები 60 წუთამდე გაიზრდება და ივარაუდება, რომ ტურნირის მონაწილეები ფინალურ მაგიდამდე შემცირდებიან.