გადატვირთული ზაფხულის შემდეგ, გას ჰენსენს ხანგრძლივი ტურნე გამოუვიდა: მან ვეგასიდან ჯერ მაკაუში, შემდეგ მონტენეგროში, შემდეგ კი მშობლიურ კოპენჰაგენში გადაინაცვლა. ერთთვიანი პაუზის შემდეგ, როგორც ჩანს, Great Dane-ს კვლავ დიდ თამაშში, დიდი მოთამაშეების გვერდით ვიხილავთ - ჰენსენი ვეგასში ბრუნდება, რათა Bobby's Room-ში ჰაი სტეიკს პოკერი ითამაშოს. 

თავის 'ინსტაგრამის' გვერდზე ჰენსენმა სურათი გამოაქვეყნა, სადაც ჰონგ-კონგური დოლარების დასტაა აღბეჭდილი. თითოეული კუპიურა $127 დოლარის ექვივალენტია. ნაკლებად სავარაუდოა, რომ ჰენსენის ბანკროლი მხოლოდ რამდენიმე ათეული ათასი აშშ დოლარი იყოს - არაფერია ცნობილი მისი სპონსორებისა და რეალური ბანკროლის შესახებ.

სამწუხაროდ, პოკერის გულშემატკივრებს არც ჰენსენის მიმდინარე სესიების მონაცემებზე მიუწვდებათ ხელი. ერთადერთი, რაც ჰენსენის ზაფხულზე ვიცით ისაა, რომ Bobby's Room-ში გატარებული 70 დღის განმავლობაში მან 652 საათი ითამაშა. გამოდის, რომ დღეში, საშუალოდ, ჰენსენი 9.5 საათს თამაშობდა, მაგრამ უნდა ვივარაუდოთ, რომ ორი თვის განმავლობაში დანიელი რამდენიმე მარათონულ სესიასაც გამართავდა. იმედი უნდა დავიტოვოთ, რომ ლეგენდარული მოთამაშე 'ინსტაგრამის' საშუალებით, სადაც ის მართლაც გამოირჩევა აქტიურობით, რეალურ რიცხვებსაც მოგვაწვდის.