კვირას, PokerStars-ის სახეები - დენიელ ნეგრანუ და ლივ ბურე პოკერის დავიწყებას და მთლიანად ჭადრაკში გადაშვებას გეგმავენ. მსოფლიოს უდიდესი პოკერ-რუმის წარმომადგენლები ძალებს აერთიანებენ და Chess.com-ის წარმომადგენელს - ჯენიფერ შაჰადსა და საერთაშორისო ოსტატს - დენიელ რენშს ხვდებიან. 

PokerStars-ისა და Chess.com-ის დაპირისპირება, რომელსაც Hand and Brain-ის სახელითაც მოიხსენიებენ, კვირას, 14 ოქტომბერს გაიმართება და 5 თამაშისგან იქნება დაკომპლექტებული. რა თქმა უნდა, მსურველებს ლაივ სტრიმის ნახვის საშუალებაც ექნებათ - twitch.tv/pokerstars-ისა და twitch.tv/chess.-ის არხებზე. 

თამაშისთვის 70 მსურველიდან 6 ფინალისტი შეირჩა. თითო სესიაზე, თითო მოთამაშე გამოვარდება. "ასეთი თამაში საუკეთესო საშუალებაა, რათა ცნობილი ადამიანები ჭადრაკის ოსტატებთან დაწყვილდნენ და ერთად ითამაშონ, - ამბობს ჯენიფერ შაჰადი, აშშ-ის ორგზის ჩემპიონი, - მე და დენი 'ტვინების' მხარეს წარმოვადგენთ და ჩვენი მოვალეობა ფიგურის არჩევა იქნება. დენიელი და და ლივი კი არჩეული ფიგურის ქმედებას და მანევრებს განსაზღვრავენ. მსგავსი ქმედება ქაოსს და უამრავ გაუთვალისწინებელ შედეგს გამოიწვევს, რაც ჭადრაკს მხიარულებას და აზარტულობას შემატებს."

ივარაუდება, რომ მსგავსი არეულობა - ერთი მხრივ ფიგურის არჩევა, ხოლო მეორე მხრივ ფიგურის მოძრაობა და ამ ორი გადაწყვეტილების შეუთანხმებლობა, ჭადრაკში იღბლის ფაქტორს გააჩენს, რაც მაყურებლებისთვის საინტერესო სანახაობა უნდა გამოვიდეს.