Poker Masters-ის მთავარი ჯილდოს - Purple Jacket-ის მფლობელი ალი იმსიროვიჩი გახდა
გასული წლის Poker Masters-ის სერიები შტეფენ სონტაიმერის დაბადების წლად შეიძლება შეფასდეს, რის შემდეგაც გერმანელმა მოთამაშემ არაჩვეულებრივი კარიერა შექმნა. წლევანდელმა Poker Masters-ის ფესტივალმა კი ალი იმსიროვიჩი აღმოაჩინა - 23 წლის მოთამაშე ვანკუვერიდან, რომელმაც 2 დიდი ტურნირის მოგება და პრესტიჟული Purple Jacket-ის მოპოვება შეძლო.
ამერიკელი მოთამაშე თანამედროვე პოკერის ამომავალ ვარსკვლავად ითვლება. Poker Masters-ის სერიებზე მან ზედიზედ 2 ტურნირი მოიგო, ხოლო მისმა ანაზღაურებამ $1.288.600 დოლარი შეადგინა. მიუხედავად იმისა, რომ დევიდ პიტერსმა Poker Masters-ის მეინ ივენთი მოიგო და იმსიროვიჩზე $50.000 დოლარით მეტი გამოიმუშავა, 10 ქულიანი სხვაობის ხარჯზე Purple Jacket-ის მფლობელი სწორედ იმსიროვიჩი გახდა.
"ძალიან ცოტა რამ თუ შეედრება ამ გრძნობას, - თქვა 23 წლის მოთამაშემ, - ტურნირების ამ სერიაზე წარმატებული თამაში ჩემთვის განსაკუთრებული მოვლენაა, რადგან აქ პოკერის საუკეთესო მოთამაშეები იყვნენ შეკრებილები. ვიცი, რომ WSOP-ის მეინ ივენთი უმთავრეს და უპრესტიჟულეს ღონისძიებად ითვლება, მაგრამ WSOP-ზე მოსაგებად, კარგ თამაშთან ერთად, იღბალიც გჭირდება, რადგან იქაურ ტურნირებზე ათასობით მონაწილე რეგისტრირდება. პოკერის ამ ფესტივალზე კი, გამუდმებით საუკეთესო თამაშის ჩვენება გიწევს, რადგან წინააღმდეგ შემთხვევაში, მხოლოდ იღბლის იმედად არაფერი გამოგივა."
გთავაზობთ Purple Jacket-ის რეიტინგს, რომელშიც მონაწილეთა პოზიციები, არა ფულადი ანაზღაურების, არამედ მათ მიერ დაგროვილი ქულების მიხედვითაა განაწილებული:
| პოზიცია | მოთამაშე | ქულები | ანაზღაურება |
| 1 | ალი იმსიროვიჩი | 660 | $1.288.00 |
| 2 | დევიდ პიტერსი | 650 | $1.343.200 |
| 3 | ბრენდონ ადამსი | 510 | $543.000 |
| 4 | აიზიკ ჰექსტონი | 480 | $309.900 |
| 5 | ჯეიკ შინდლერი | 390 | $575.000 |
| 6 | კორაი ალდემირი | 385 | $917.000 |
| 7 | ბენ იუ | 360 | $478.000 |
| 8 | დენ სმიტი | 305 | $749.500 |
| 9 | ქეით ლერი | 300 | $333.000 |
| 10 | ჯონათან დეპა | 270 | $249.500 |
| 11 | ბრინ კენი | 260 | $417.000 |
| 12 | ჯეისონ კუნი | 240 | $254.000 |
| 13 | ჯარედ ჯეფი | 210 | $262.000 |
| 14 | ბრაიან გრინი | 210 | $138.000 |
| 15 | მორის ჰოკინსი | 210 | $115.000 |
