როცა პოკერის პოპულარიზაციაზე ვსაუბრობთ, ცნობილი მოთამაშეებისა და მედიის გარდა, უშუალოდ ის ადამიანებიც უნდა ვახსენოთ, ვინც კამერებს უკან დგანან და ყველასთვის საყვარელ თამაშს ისტორიას უნახავენ. ერთ-ერთი პირველი ფოტოგრაფი, ვინც სახელი გასული საუკუნის 70-80-იან წლებში, პოკერის მაგიდებთან გადაღებული სურათებით გაითქვა, ულვის ალბერტსი იყო. 90-იანებში საქმე საკუთარ თავზე ჯოზეფ Flip Chip სმიტმა აიღო. 

თუ პოკერის ფოტოგრაფიის ქრონოლოგიას მივყვებით, ულვის ალბერტსისა და ჯოზეფ სმიტის შემდეგ, ადრეული 2000-იანი წლებიდან მოყოლებული, პოკერის ისტორიის ყველაზე მნიშვნელოვანი ფრაგმენტები ერიკ ჰერკინსს აქვს აღბეჭდილი. სწორედ მას ეკუთვნის ფოტოები, რომლებმაც პოკერის ისტორია სამუდამოდ შეცვალეს: კრის მანიმეიქერის მიერ მოგებული WSOP მეინ ივენთი, რომელმაც ე.წ. 'პოკერის ბუმი' გამოიწვია; ფულის დიდი გროვის უკან მდგარი გრეგ რეიმერი; 2005 წლის მეინ ივენთის გამარჯვებული - ჯო ჰეშემი, ავსტრალიის დროშით ხელში... სწორედ ჰერკინსმა აღბეჭდა ფირზე WSOP-ის ისტორიაში Binion's-ში გამართული ტურნირების უკანასკნელი სერია. 

დღეს ჰერკინსი მსოფლიოს გარშემო მოგზაურობს და პოკერის ცხელ მაგიდებს ეძებს, რომლებიც ფართო პუბლიკისთვის ინტერესის მთავარ ობიექტს წარმოადგენენ. 

ერიკ ჰერკინსის საქმე მის მშობლიურ ქალაქში - სენტ ლუისში დაიწყო. სკოლის დამამთავრებელ წლებში ის ფოტოგრაფიით დაინტერესდა. სულ მალე მისი ფოტოები ლოკალურ გაზეთებში გამოჩდნენ. 20 წლის ასაკში კი ჰერკინსი ისეთ კომპანიებთან თანამშრომლობდა, როგორებიც 7UP, Monsanto, Ampeg Audio და Winchester Firearms & Ammo არიან. 1990 წელს მან კომპანია - Image Masters დააარსა, რომლის ძირითადი კონტრაქტები სასტუმროებს და მათ რეკლამირებას უკავშირდებოდა. 

აღმოჩნდა, რომ სასტუმროებს პირდაპირი ბმა ჰქონდათ კაზინოებთან. ზოგიერთი კაზინო თავად სასტუმროს ტერიტორიაზე ფუნქციონირებდა. "2001 წელს, Horseshoe Casino-სგან ზარი მივიღე, - ყვება ჰერკინსი, - მოსაუბრემ მითხრა, რომ კაზინოს მეპატრონე - ჯეკ ბინიონი თავისი ჩემპიონატის - World Poker Open-ის გადაღებას მთხოვდა. ეს პირველი შემთხვვევა იყო, როდესაც პოკერის ნამდვილ ტურნირზე აღმოვჩნდი. სხვების მსგავსად, მეც მოვიხიბლე თამაშით; იმ პერსონებით, ვინც ინდუსტრიაში დიდ სახელებს წარმოადგენდნენ; ფულით, რომელიც თამაშში ტრიალებდა... ჯეკ ბინიონის განსაკუთრებული აღტაცება იმ ფაქტმა გამოიწვია, რომ მე მოთამაშეების აღბეჭდვას მათთან პირდაპირი კომუნიკაციის გარეშე ვახერხებდი. მე არ მივდიოდი მათთან, არ ვაწუხებდი, არ ვუსვამდი კითხვებს, არ ვუშლიდი თამაშში ხელს, რაც ბინიონს ძალიან მოსწონდა."

მას შემდეგ, 17 წლის განმავლობაში, Image Masters-ის არქივში 2.4 მილიონი ფოტო დაგროვდა. ჰერკინსის კომპანია პოკერის ინდუსტრიაში ყველაზე დიდ მედია ბაზას ფლობს და მისი ღირებულება $1.4 მილიონ დოლარს აჭარბებს.