სხვადასხვა სფეროში მოღვაწე წარუმატებელ ადამიანებს ერთი რამ აერთიანებთ: საკუთარ ჩავარდნას სხვებს აბრალებენ, მცდარ მოსაზრებებს გამოთქვამენ და ამ მცდარი შეხედულებების გარშემო ერთიანდებიან. ებრაელი მასონების მიერ მსოფლიოზე ბატონობა, ბრტყელი დედამიწა, საშიში და ძალდატანებითი ვაქცინაცია, პოკერის ჩაწყობილი თამაშები - შეთქმულების თეორიების მოკლე ჩამონათვალი, რომლებსაც მილიონობით ადამიანი ბრმად ენდობა. 

დაგ პოლკი იმ არმიას მიეკუთვნება, ვინც ყოველთვის საღი აზრის მხარეს, კონსპირაციული თეორიების წინააღმდეგ გამოდიოდა და რიგითი ადამიანებისთვის რეალობის ჩვენებას ცდილობდა. 

2 წლის წინ, პოლკმა პოკერში ერთ-ერთი ყველაზე გავრცელებული მოსაზრების წინააღმდეგ გაილაშქრა, რომლის მიხედვითაც თანამედროვე გრაინდერებისა და 'ჩაწყობილი კარტების' გამო, მიკროლიმიტებზე თამაში იმდენად გართულდა, რომ მასში მოგების მიღება შეუძლებელი იყო. ონლაინ რეგულარები პოლკს კრიტიკის ქარცეცხლში ატარებდნენ და ამბობდნენ, რომ მიკროლიმიტებთან შედარებით, დიდი თამაშების მოგება ბევრად ადვილი იყო; ხოლო რამდენადაც პოლკის ბანკროლი მაღალ ლიმიტებზე თამაშის საშუალებას იძლეოდა, მას წარმოდგენა არ ჰქონდა რა ხდებოდა $0.5/$1 მაგიდბეზე. 

მითის დასამსხვრევად, დაგ პოლკმა $100 დოლარიანი ბანკროლით $10.000 დოლარის შეგროვება დაისახა მიზნად. მან თამაში 2016 წლის 7 აგვისტოს დაიწყო. 26 სესიის შემდეგ, მისი ბანკროლი $849 დოლარს ითვლიდა. 2 წლის განმავლობაში, 4-5 თვიანი პაუზებით, პოლკმა 100-მდე სესია ითამაშა, რომლებშიც მიკროლიმიტის ქეშ-გეიმები და მცირებიუჯეტიანი ტურნირები შედიოდა. 2018 წლის 22 აგვისტოს, როგორც იქნა, პოლკის ბანკროლი $10.000 დოლარს გადაცდა.

მიკროლიმიტებზე 2 წლიანი გრაინდინგის შემდეგ, პოლკი რამდენიმე საინტერესო და მიკრო-რეგულარებისთვის გასათვალისწინებელ დასკვნამდე მივიდა:

• პრეფლოპ ბლეფი კარგად მუშაობს, რადგან მოთამაშეები საკმარისად დიდ რეიზებს არ აკეთებენ
• ფლოპზე იმდენად 'ლუზ' თამაში მიმდინარეობს, რომ ბლეფი საკმაოდ რთულ მისიად იქცევა
• თერნზე გაკეთებული ბლეფი პრაქტიკულად არ მუშაობს
• ვაჭრობის 4 რაუნდიდან, რივერის ბლეფი საუკეთესოა
• თუ ისეთ რუმზე ითამაშებთ, რომელსაც ნაკლები მომხმარებელი ჰყავს, ტურნირები გაცილებით მომგებიანი არჩევანია, ვიდრე ქეშ-გეიმი
• პოკერ-რუმებზე, რომლებიც ანალიტიკურ სოფტებს კრძალავენ, არ შეგეშინდეთ ხშირი პრეფლოპ რეიზების და ბლეფის
• ბლეფის საუკეთესო მეთოდი არა ბანკის 1/2 ან 2/3-ია, არამედ - დიდი ოვერბეთი
• მირკოლიმიტებზე თამაში ჯერ კიდევ ძალიან ადვილია და ის ბანკროლის შენების კარგ შესაძლებლობას იძლევა