სამშაბათს, ფლორიდაში დასრულდა ერთ-ერთი ყველაზე პრესტიჟული ჩრდილოამერიკული ტურნირი - Seminole Hard Rock Poker Open Championship, რომელშიც 914 მოთამაშე მონაწილეობდა. 

$5.250 დოლარიანი ტურნირის გარანტირებული საპრიზო ფონდი $3.000.000 დოლარით განისაზღვრა. სწორედ პრაიზ პულმა განაპირობა დამსწრეთა ასეთი რაოდენობა, რომელთა შორის პოკერის ისეთი სახელებიც იკითხებოდა, როგორებიც ჯეისონ მერსიერი, კლიფ ჯოზეფი, მეტ ბარკლი, დენიელ შტირლიცი, მაიკ ლია და ჯონ რეისნერი არიან. მართალია, ყველა მათგანი ფულში შევიდა, მაგრამ ფინალურ მაგიდაზე თამაში ვერ მოახერხეს. 

ტურნირის გამარჯვებული ქეშ-გეიმერი - ბრენდონ აისენი გახდა, რომელსაც წარსულში სულ რაღაც 3-ჯერ აქვს მოგებული ექვსნიშნა თანხა - მათ შორისაა Little One for One Drop-ის პირველი ადგილისთვის მიღებული $283.895 დოლარი. ამჯერად, აისენმა $771.444 დოლარი მოიგო, რითიც სატურნირო შემოსავლები გააორმაგა. 

ცნობილი სახელებიდან ფინალურ მაგიდაზე ჯოზეფ ჩონგი, რაიან დი'ანჯელო და ჯერემი აასმუსი მოხვდნენ. სწორედ აასმუსი იყო აისენის მთავარი მეტოქე ფინალურ ჰედს-აპში, რომელიც 80 დარიგება გაგრძელდა. ჰედს-აპის დაწყებიდან 40 დარიგების შემდეგ, KT985 ბორდზე, მეტოქის KT აისნერის J7-ით მიღებულმა სთრეითმა დაამარცხა, რის შემდეგაც აასმუსის საქმე გართულდა. ის 40 დარიგების განმავლობაში მთელი ძალებით ცდილობდა სტეკების ბალანსის აღდგენას, მაგრამ წარუმატებლად. საბოლოოდ აასმუსის ანგარიშს $540.459 დოლარით გაიზარდა.