მრავალი წლის განმავლობაში, ყველაზე შემოსავლიანი მოთამაშის სტატუსს დენიელ ნეგრანუ იკავებდა. რამდენიმე საათის წინ მდგომარეობა შეიცვალა: პოკერის All time money list-ს ახალი ლიდერი ჰყავს - ჯასტინ ბონომო. 

ბონომომ 2018 წლის WSOP One Drop ივენთი მოიგო, $10.000.000 დოლარიანი ანაზღაურებით პირველი ადგილისთვის, რითიც მისი საერთო სატურნირო შემოსავალი $43.000.000 დოლარამდე გაიზარდა. "იმის თქმა შემიძლია, რომ გასული წლის განმავლობაში ფანტასტიკური პოკერი ვითამაშე, -  ამბობს ბონომო, - არ მგონია, რომ საუკეთესო მოთამაშე ვარ, მაგრამ ნამდვილად ერთ-ერთ მოწინავე ადგილს ვიკავებ." თუ მსგავსი განცხადება ზედმეტად ამბიციურად გეჩვენებათ, უნდა გაითვალისწინოთ, რომ მხოლოდ 2018 წლის განმავლობაში, ბონომოს ანგარიშზე 2 ოქროს სამაჯური და $25.000.000 დოლარის მოგება ირიცხება, რაც აშკარად მის ფენომენალურ ნიჭზე მეტყველებს. 

"ასეთი ტურნირის თამაში ნამდვილად პრივილეგიაა, მაგრამ ამასთანავე დიდ პასუხისმგებლობასაც ვგრძნობ. ეს ყველაზე დიდი თანხაა, რაც ტურნირში გადამიხდია." $1.000.000 დოლარიანი ღირებულების One Drop ტურნირი, WSOP Main Event-ის შემდეგ, ყველაზე პრესტიჟულ ტურნირად შეიძლება ჩაითვალოს. არნახულად დიდი ბაი-ინის გამო, პოკერის ინდუსტრიის ბევრი ექსპერტის აზრით კი, One Drop-ის ღონისძიება სტატუსით მეინ ივენთსაც კი უსწრებს. საპრიზო ფონდის გარკვეული ნაწილი იმ ფონდში ირიცხება, რომელიც წყლის გარეშე დარჩენილ ოჯახებს ეხმარება. 

ფინალური მაგიდა, როგორც მოსალოდნელი იყო, ვარსკვლავებით დატვირთული აღმოჩნდა: ბაირონ კავერმანი, რიკ სალომონი და დენ სმიტი, შესაბამისი თანმიმდევრობით, მე-5, მე-4 და მე-3 ადგილებზე გავიდნენ. ბონომოს მთავარი მეტოქე,  დიდი პოკერიდან 'წასული' და უკვე ბევრჯერ დაბრუნებული ფედორ ჰოლცი იყო, რომელმაც მე-2 ადგილისთვის $6.000.000 მილიონი დოლარი მიიღო. 

Big One fro One Drop-ის გამარჯვებულების სია: