$25.000 დოლარიან პოტ ლიმიტ ომაჰას ივენთის პირველი ადგილისთვის აღებული $1.402.683 დოლარიანი ანაზღაურება შონ დიბის სატურნირო კარიერაში ჯერჯერობით საუკეთესოა. გარდა ფულიდა პრიზისა, ამერიკელმა მოთამაშემ WSOP-ის მე-3 ოქროს სამაჯური მოიგო. 

230 დარეგსტრირებულმა მოთამაშემ და 49 რე-ბაიმ $5.426.500 დოლარიანი საპრიზო ფონდი შექმნა. უკანასკნელი დღისთვის, შონ დიბი 6-ეულში შედიოდა, სკოტი უინთან, ჯეისონ კუნთან და ჯეიმს კალდერადოსთან ერთად. 

შონ დიბს შესანიშნავი წელი აქვს, მაგრამ არც ის უნდა გამოგვრჩეს მხედველობიდან, რომ ის დაუღალავად შრომობს: გასულ კვირას, მის მიერ Rio-ში გამართული ცოცხალი მულტი-თეიბლინგი, მოთამაშეთა შორის, განხილვის საგნად იქცა. უკანასკნელი ტურნირის მოგებამდე კი, მიმდინარე WSOP-ის სერიებზე, დიბმა 9-ჯერ მოახერხა ფულში შესვლა, რითიც Player Of the Year-ის მარათონში შონ დიბმა ერთ-ერთი სახიფათო მრბოლელის როლი მოირგო. 

"ფინალური დღე არაჩვეულებრივად დაიწყო, - ყვება დიბი, - მას შემდეგ, რაც ჩიპლიდერი გავხდი, ჩემი ჩამოქვეითება ვერავინ შეძლო. საუკეთესო თამაში აჩვენეს, მაგრამ მე აშკარად გაცილებით იღბლიანი აღმოვჩნდი."

აღსანიშნავია, რომ ფინალურ ჰედს-აპში, შონ დიბის მეტოქე ბენ იუ იყო - მოთამაშე, რომელთანაც ის გასულ წელს, 2-7 ლოუბოლის ივენთის ჰედს-აპში დამარცხდა. ერთი წლის შემდეგ, დიბმა 'შურისძიება' შეძლო და იუს მთავარი ჯილდო და ოქროს სამაჯური გამოსტაცა.